Ամբողջ աշխարհը ծիծաղում է հայերի վրա․ Իլհամ Ալիևը խոսել է Հայաստանի ներկայիս վիճակի մասին
«Վերջին օրերին ադրբեջանական-հայկական սահմանի տարածքում հայկական բանակի կողմից իրականացված սադրանքը, բնականաբար, չպետք է մնար անպատասխան: Նրանք հերթական անգամ խայտառակվեցին: Տեսեք, ամբողջ աշխարհը ծիծաղում է նրանց վրա: Վարչապետն ասում է մի վարկած, Գլխավոր շտաբի պետի տեղակալը՝ մեկ այլ վարկած: Եվ այս ամենը մեկ օրվա ընթացքում»:
Այս մասին ասել է Ադրբեջանի նախագահ Իլհամ Ալիևը Աղդամում կայացած հանրային հանդիպման ժամանակ, որը հաղորդում է «AzerTAc»-ը:
«Այս վարկածները նույնպես կեղծ են: Այսինքն՝ 30 տարվա ընթացքում հայերը չեն կարողացել պետություն կառուցել: Սա նշանակում է, որ այդ մարդիկ ի վիճակի չեն պետություն կառուցելու: Նշանակում է, որ այս ժողովուրդը կարող է ապրել միայն այլ խոշոր պետությունների կազմում: Նա կարող է օգտագործել մեծ պետությունների հնարավորությունները և իր համար կյանք կառուցել այնտեղ։ Երեսուն տարի նրանք ունեին եզակի հնարավորություն. Եթե օկուպացիան չլիներ, եթե թշնամանքը և հայերի կողմից արված ոճրագործությունները մեր ժողովրդի նկատմամբ չլինեին, ապա այսօր, միգուցե, Հայաստանը կարող էր գոյություն ունենալ որպես անկախ պետություն: Հիմա տեսեք, թե ինչ խայտառակ վիճակում են նրանք գտնվում»,-հայտարարել է Ալիևը:
