Արագիլների կյանքում ոչինչ չի փոխվել․ թռչունների մոտ 60% -ը ծածկված է նույն տիպի նյութով (լուսանկարներ)

Օրեր առաջ ֆեյսբուքյան օգտատերերից մեկը, իր էջում հրապարակել էր արագիլի լուսանկար, որին գտել է ճանապարհից։ Նա արագիլին բերել է տուն, ու քանի որ վերջինս կեղտոտ է եղել, լողացրել և կերակրել է։

Օգտատերը գրել է․

«Հնագիտական գտածոյի փոխարեն այսօր բնապահպանական գտածո ունեմ ։ Այս արագիլի ձագին գտա ճանապարհին ՝ կանգնել էր հենց երթևեկելի հատվածում ու օգնություն էր խնդրում ։ Թևերը ու գլուխը ծածկված էին անհասկանալի կպչուն նյութով որն էլ թույլ չէր տալիս թռչել ու որս անել։ Այսօր արդեն նա, և՛ մաքուր է, և՛ կուշտ մնում է իր կամքով ցանկանա թռչել ու գնալ ուր կուզի»։

Արագիլների խնդրին է անդրադարձել նաև քաղաքագետ Հայկ Մարտիրոսյանը։ Նա իր էջում կիսվել է ֆեյսբուքյան օգտատերերից մեկի գրառումն ու կից գրել․

«Արագիլների կյանքում ոչինչ չի փոխվել: Այս տարի նույն վիճակն է` ինչ անցյալ տարի:

Իշխանությունը ոչինչ չարեց աղտոտման պատասխանատուներին պատժելու համար և դարձյալ թափոնները ձկնաբուծարանները լցնում են գետեր և դարձյալ արագիլները ոչնչանում են ...»։

Քաղաքագետը կիսվել է նաև Կարեն Աղաբաբյանի գրառմամբ, որով նա կոչ է անում գտնել թռչունների աղտոտման աղբյւորը։

«Երեկ Հովտաշենից մինչև Երասխահուն մի քանի գյուղերում գտնվող արագիլների ուսումնասիրությունը ցույց է տալիս, որ թռչունների մոտ 60% -ը ծածկված է նույն տիպի նյութով:

Անհրաժեշտ է գտնել աղտոտման աղբյուրը:

Մեզ պետք է ուսումնասիրել արագիլների վարքագիծը՝ պարզելու համար, թե որտեղ են նրանք թռչում կերակրման համար: Դրա համար մեզ հարկավոր են մոտ 10-15 խմբեր մեքենաներով, ինչպես նաև մի քանի անօդաչու սարքեր:

Ո՞վ է ուզում միանալ հետազոտմանը:

Yesterday's survey of the Storks in several villages from Hovtashen to Yeraskhahun, shows that about 60% of birds are covered by the same stuff.

It is necessary to find the source of pollution.

We need a survey of the Storks, to figure out - where do they fly for feeding. For that we need about 10-15 groups of people with cars, and also several drones.

Who wants to join the survey?»,-գրել է Աղաբաբյանը։