Լոնդոնի դատարանը Նատալիա Ռոտենբերգին ձերբակալելու որոշում է կայացրել

Նատալիա Ռոտենբերգին (նախկին պատգամավոր Տիգրան Արզաքանցյանի ներկայիս կնոջը-NEWSPRESS.am) բանտարկություն է սպառնում այն բանից հետո, երբ նա հրաժարվել է վճարել ամուսնալուծության իր փաստաբաններին և չի ներկայանալ դատարան: Այս մասին գրում է Telegraph-ը։

Բալետի հրահանգիչ Նատալյա Ռոտենբերգը տարիներ շարունակ դատարաններում վիճարկել է Սուրեյում գտնվող 27 միլիոն ֆունտ ստեռլինգ արժողությամբ առանձնատունը, որը նա նախկինում կիսում էր նախկին ամուսնու՝  ՌԴ նախագահ Վլադիմիր Պուտինի մտերիմ ընկեր, այժմ պատժամիջոցների ենթարկված օլիգարխ Արկադի Ռոտենբերգի հետ։ 

Բայց Ռոտենբերգն այժմ վիճաբանության մեջ է Candy իրավաբանական ընկերության հետ՝ այն բանից հետո, երբ չի կարողացել վճարել իր փաստաբաններին և վարձել նոր ներկայացուցիչներ։ Նշված ընկերությունը նախկինում նրան ներկայացնում էր իրավական վեճերում:

Candy-ն հետապնդում է նրան 11,500 ֆունտ ստերլինգ ծախսերի համար, հինգշաբթի օրը Լոնդոնի Գերագույն դատարանում դատը լսվել է:

Candy-ի փաստաբան Ջեյմս Թեյլորը նախագահող դատավոր Ամանդա Սթիվենսին ասել է, որ տիկին Ռոտենբերգն անտեսել է նամակները, էլ. նամակները և WhatsApp-ի հաղորդագրությունները, որոնցով պահանջվել է ներկայանալ դատարան՝ իր ունեցվածքի վերաբերյալ հարցաքննության համար:

Թեյլորն ասել է, որ նա «անտեսել է» բազմաթիվ դատական որոշումներ և «ոչ մի կերպ չի մասնակցել» իր հետ կապ հաստատելու փորձերին:

Նախորդ երկու լսումներին չներկայանալու համար դատավոր Էնդրյու Ռիչին Ռոտենբերգին արդեն իսկ դատապարտել է 3 շաբաթ ազատազրկման, սակայն նա հնարավորություն կունենար խուսափելու ազատազրկումից, եթե դատական նիստին ներկայանար նախորդ հինգշաբթի օրը։

Արդյունքում դատավոր Սթիվենսը վճռել է, որ նրա ձերբակալության օրդեր տրվի:

Դա տեղի է ունեցել այն բանից հետո, երբ անցյալ տարի տիկին Ռոտենբերգի 8,7 միլիոն ֆունտ արժողությամբ Լոնդոնի իր բնակարանն առգրավվել են՝ հիփոթեքի վճարումները չկատարելուց հետո:

Բալետի ուսուցչուհին, ով Բրիտանիա տեղափոխվելուց հետո հագուստի բիզնես է սկսել, վերջին յոթ տարվա ընթացքում պայքարում է ամուսնու հետ՝ նախկինում 27 միլիոն ֆունտ ստեռլինգ արժողությամբ իրենց առանձնատունը վերահսկելու համար Վերին Ռիբսդենում, Վինդլշեմ, Սուրեյ:

Գույքն իրենից ներկայացնում է 42 ոտնաչափ լողավազան, խաղերի հավաքակազմ, կինոթատրոն, ժամանակակից սննդի կետ և գինու մառան, անձնակազմի համարներ և մինչև վեց լիմուզինի համար նախատեսված ստորգետնյա ավտոտնակ:

Քենդին ներկայացնում էր տիկին Ռոտենբերգին նախորդ դատավարությունների ընթացքում:

2019 թվականին Մեծ Բրիտանիայի Գերագույն դատարանի ամուսնալուծության դատավորը որոշում է կայացրել, որ պարոն Ռոտենբերգն իր նախկին կնոջը պետք է փոխանցի 27,000 քառակուսի ոտնաչափ առանձնատունը, որը տեղակայված է վեց ակր քանդակազարդ տարածքներում:

Բայց 2021-ին Վերաքննիչ դատարանի երեք դատավորներ չեղարկեցին վճիռը՝ ասելով, որ այն չի ապացուցվել, որ տունը պարոն Ռոտենբերգինն է, քանի որ այն պատկանում է օֆշորային ընկերության: Այդ գործը դրված է ամբողջական փորձաքննության՝ որոշելու, թե իրականում ում է պատկանում տունը:

Քանի դեռ կռիվը շարունակվում էր առանձնատան համար, տիկին Ռոտենբերգը տեղափոխվել է և ևս մեկ շքեղ գույք գնել իր անունով, բնակարան Քինգ Գեյթ Վոքում, Վեսթմինսթեր:

Բայց նրա բնակարանը խլեցին այն բանից հետո, երբ չկարողացավ մարել իր հիփոթեքային պարտքը, որը կազմում էր ավելի քան 1,6 միլիոն ֆունտ:

Պարբերականը փորձել է կապ հաստատել Ռոտենբերգի հետ, ինչը չի ստացվել։