Նիկոլի ձեռքերն արյունոտ են, բայց Արմենի մահը նաև ընդդիմադիր պատգամավորների խղճին է...

Կինոռեժիսոր, մասնագիտությամբ բժիշկ Արմեն Գրիգորյանը պայքարող, հայրենիքի համար մաքառող տեսակ էր։ Այս տեսակը վերացող տեսակ է` նրանց վերացնում են...

Ինչպես Արմեն Գրիգորյանի մահվան օրը՝ երկոյան, հանրահավաքի ժամանակ, նկատեց նրա պաշտպան Ռուբեն Մելիքյանը, Արմենին սպանեցին...

«Արմենին սպանողներին փնտրեք դատավորների, քննիչների, դատախազների ու նրանց պատվիրատուների մեջ»,- ասաց փաստաբանն ու անուններ հնչեցրեց...

Այս հայրենասեր մարդը գուցե փրկվեր, դուրս գար բանտից ու տեսներ երկիրն ազատագրված թուրքերից` ներքին թուրքերից...

Չտեսավ, որովհետև նրան դավաճանեց նաև ընդդիմությունը...

Արմեն Գրիգորյանը սպանվեց նաև ընդդիմադիրների պատճառով, որովհետև նրանք մարեցրին շարժումը` ամենակրիտիկական պահին կանգնեցնելով հայրենիքի փրկության համար պայքարի դուրս եկած այն հազարավոր քաղաքացիներին, ովքեր ամեն պահի պատրաստ էր գրավել կառավարության շենքերը, փակել իշխանությունների ճանապարհներն ու վճռական այլ քայլերի դիմել...

Նիկոլ Փաշինյանի ձեռքերն արյունոտ են և երկրորդ կարծիք լինել չի կարող, բայց Արմենի մահը նաև ընդդիմադիր պատգամավորների խղճին է.

-նրանց, ովքեր հենց պայքարի առաջին օրերին փորձում էին իրենց ձեռքը վերցնել լիդերությունը,

-նրանց, ովքեր թույլ չտվեցին ժողովրդի ցասումը պոռթկա ու հասնի նպատակակետին,

-նրանց, ովքեր ավելի շատ խանգարում, քան օգնում էին պայքարի հասունացմանը,

-նրանց, ովքեր պայքարի կեսից մոռացան, թե ինչի համար են հավաքվել ու սկսեցին դողալ իրենցից հեռացող մանդատների համար... 

Արհեստականորեն ձգձգելով իշխանությանը հեռացնելու համար դուրս եկած քաղաքացիների ակտիվ գործողությունները` ընդդիմությունը մաշեց ժողովրդի հավատը, ուժը, կամքը, հույսը և թուլացրեց պայքարը... 

Ու հիմա ի՞նչ են անում. բոցաշունչ ելույթներով փորձում են համոզել, որ իրենք անմեղ են, Արմենին Նիկոլն է սպանել...

Իսկ ո՞ւմ թողտվությամբ ու օգնությամբ է Նիկոլը դեռ կառավարում ու շարունակում իր գործը: Այս մասին ասելիք չունե՞ք, պարոնա՛յք և տիկնա՛յք ընդդիմադիր պատգամավորներ... 

Այդ ձե՛ր հապաղելու և ցասումով լի մարդկանց տուն ուղարկելու պատճառով է` ձեր նշած մարդասպանը դեռ կառավարում...

Արմենն արդեն ազատության մեջ կլիներ, եթե դուք չհապաղեիք, եթե համարձակություն ունենայիք թքել ձեր մանդատների ու աթոռների վրա և, Արմենի նման ձեր մեջ էլ հայրենասիրությունը հորդեր..

Իսկ հիմա ճառեր եք կարդում ու մեղավորներ փնտրում։ Իհարկե, կփնտրեք, կասեք, կմեղադրեք, կարդարանաք ու սա էլ կմարի-կանցնի-կգնա. կմնա միայն մանդատակռիվն ու սուտ ընդդիմության խաղը...

Արմինե Մկրտումյան