Թուրքիայում ուժգին երկրաշարժ է գրանցվել ՝ 7,8 մագնիտուդ հզորությամբ

Թուրքիայի հարավ-արևելքում՝ Սիրիայի հետ սահմանի մոտ, հզոր երկրաշարժ է տեղի ունեցել։

ԱՄՆ Երկրաբանական ծառայությունը հայտնել է, որ 7,8 մագնիտուդով երկրաշարժը տեղի է ունեցել տեղական ժամանակով 04:17-ին Գազիանթեփ քաղաքի մոտակայքում՝ 17,9 կմ խորության վրա:

Երկրաշարժը զգացվել է մայրաքաղաք Անկարայում և Թուրքիայի այլ քաղաքներում, ինչպես նաև ողջ տարածաշրջանում։

Մի քանի շենք է փլուզվել, մարդիկ կարող են փլատակների տակ լինել:

BBC-ի թուրքական ծառայության թղթակիցը Դիարբեքիրում հայտնում է, որ քաղաքում փլուզվել է առևտրի կենտրոնը։

Գազայում BBC-ի պրոդյուսեր Ռուշդի Աբուալուֆն ասում է, որ տունը, որտեղ նա ապրում էր, ցնցվել է մոտ 45 վայրկյան:

Թուրք սեյսմոլոգները երկրաշարժի ուժգնությունը գնահատել են 7,4 մագնիտուդ։ Նրանց խոսքով, մի քանի րոպե անց երկրորդ ցնցումն է տեղի ունեցել: