Հայաստանում գրանցված է 64 կրոնական կազմակերպություն
«Փաստ» թերթը գրում է.
«Ըստ պաշտոնական տվյալների, Հայ Առաքելական եկեղեցուց զատ մեր երկրում գրանցված է ևս 63 կրոնական կազմակերպություն (միասին՝ 64): Այդ թվում են Ռուս ուղղափառ եկեղեցին իր 4 համայնքներով, մոլոկանների եկեղեցին, հրեական ու ասորական եկեղեցիները, Հայ կաթողիկե եկեղեցին:
Մնացյալներն, ըստ էության, այն կազմակերպություններն են, որոնք հասարակության մեջ բնորոշվում են որպես աղանդավորական կազմակերպություններ: Եթե հաշվի առնենք, որ կառույցներից երկուսը ունեն մի դեպքում՝ 10, մյուս դեպքում՝ 12 մարզային կամ համայնքային կազմակերպություններ, ապա դրանք մեկ միավոր հաշվելու դեպքում ստացվում է, որ Հայաստանում գործում է նման 31 առանձին կառույց:
Ընդ որում, ըստ չճշտված որոշ տեղեկությունների, այս թիվը ամենևին էլ ամբողջական չէ, քանի որ մի շարք կազմակերպություններ պարզապես պաշտոնապես գրանցված չեն: Վերջին շրջանում ավելի ու ավելի հաճախ է խոսվում այն մասին, որ աշխարհաքաղաքական ներկա վտանգավոր միտումների պարագայում չափազանց կարևոր է քրիստոնեական համայնքների համախմբվածությունը: Սակայն փաստը մնում է փաստ, որ այսօր գործում է առնվազն 31 կազմակերպություն՝ իրենց մասնաճյուղերով հանդերձ»:
Մանրամասները` թերթի այսօրվա համարում
