Եթե Արցախը մտնի ՀՀ կազմ, ապա դա կտանի պատերազմի․ ադրբեջանագետը՝ «Արցախը ՀՀ է և վերջ» թեզի մասին
Եթե ՀՀ վարչապետ Նիկոլ Փաշինյանը հայտարարում է, որ Արցախը Հայաստանն է և վերջ, ապա պետք է հասարակության համար պարզ լինի՝ ինչպես ենք պատկերացնում այդ միավորումը։
Այս մասին լրագրողների հետ զրույցում ասաց ադրբեջանագետ Անժելա Էլիբեկովան՝ հավելելով, որ եթե Փաշինյանի այս հայտարարությունը պարզապես քարոզչական բնույթ է կրում, անգամ այս դեպքում, պետք է հասարակությունը հասկանա, թե ինչն նպատակով է դա ասվել։
«Պետք է ուրեմն հասկանալ, որ հոգեբանական ճնշումներ գործադրելու համար է դա ասվել, քանի որ եթե գնում ենք այն ճանապարհով, որ Արցախը մտնում է Հայաստանի կազմ, ապա Ադրբեջանի նախագահ Ալիևը բազմիցս հայտարարել է, որ դա բանակցային փուլի տապալում է, որից հետո կգնան պատերազմի»,- ասաց բանախոսը։
Անդրադառնալով Թուրքիայի նախագահ Ռեջեփ Էրդողանի և Ադրբեջանի նախագահ Իլհամ Ալիևի հանդիպմանն ու Ալիևի հայտարարությանը՝ կապված Նախիջևանի զավթման հետ, ադրբեջանագետը նկատեց, որ Հայաստանը պետք է կոշտ արձագանք տալ։
Փորձագետ Տիգրան Քոչարյանն էլ նկատեց, որ չի կարելի որևէ հայտարարությամբ կամ գործելաոճով Հայաստանի լարվածությունը տեղափոխել Արցախ, քանի որ Արցախը պատերազմական գոտում է և ամեն մի լարվածություն կարող է վատ անդրադառնալ երկրի վրա։
«Այն պառակտվածությունը, որ1․5 տարի Հայաստանում է՝ տեղափոխվել է Արցախ, ինչով դա կավարտվի՝ չգիտեմ»։
Մանրամասները՝ տեսանյութում
