«Ryanair-ի հետ բանակցությունները տարվում էին դեռևս Սերժի օրոք, պարզապես հին իշխանությունը հրաժարվեց յուրաքանչյուր ուղևորի համար 76 դոլար վճարը վերցնել բյուջեից». Լապշին

Ռուս-իսրայելցի բլոգեր Ալեքսանդր Լապշինը ֆեյսբուքյան իր էջում անդրադարձել է  Ryanair ընկերության մուտքին հայկական շուկա: 

«Ամբողջ համցանցն ասօր (երեկ-խմբ.) քննարկում է այն, թե ինչ հիանալի աղջիկ է Տաթևիկ Ռևազյանը՝ երկրի Քաղաքացիական ավիացիայի կոմիտեի ղեկավարը, որ կարողացել է Ryanair-ին «համոզել» գալ Հայաստան: Ինչպիսի անհեթեթություն: Ի՞նչ կապ ունի այդ աղջիկը: Ընկերներ, հարցն ամենևին էլ Տաթևիկ Ռևազյանի կարողությունները չեն՝ ավիաընկերության հետ պայմանավորվելու: Խնդիրն այդ չի եղել, այլ այն, որ պետությունը վերացնի ավիաընկերությունների համար օդանավակայանում բոլոր վճարները, որպեսզի նրանք համաձայնեն թռչել Հայաստան: Վճարները այսօր կազմում եմ 76 դոլար մեկ ուղևորի համար և դրանք նրա՝ Նիկոլի հրահանգով երկրի բյուջեն է իր վրա վերցրել: 

Այս ամենն ինձ ասել է անձամբ Նիկոլը, դեռևս 2018-ի ամռանը, ավելի քան 1 տարի առաջ: Բայց քչերն են հիշում, որ դեռ 2015-ին՝ Սերժի կառավարման ժամանակ, Ryanair-ը հստակ դրել էր իր պայմանները՝ վերցրեք ձեզ վրա ծախսերը, և մենք կգանք Հայաստան: Չեք վերցնի՝ չենք գա: Պարզ և հստակ: 

Ryanair-ի և Wizzair-ի հետ բանակցությունները տարվում էին դեռևս Սերժի ժամանակ, Տաթևիկից դեռ շատ առաջ, պարզապես հին իշխանությունը հրաժարվեց յուրաքանչյուր ուղևորի համար բյուջեից 76 դոլար վճարելուց: Դրա համար էլ Ryanair-ը չեկավ: Առանց բյուջեից վճարվող գումարների, քաղավիացիայի ներկայիս ղեկավարը ոչինչ չէր կարող անել: Այն բանից հետո, երբ Հայաստանի բյուջեից տարեկան ավելի քան 5 միլիոն դոլար տրամադրվեց այս վճարների համար, Ryanair-ը միանգամից համաձայնեց թռչել: Տաթևիկը պարզապես գնաց Եվրոպա և նրանց փոխանցեց Նիկոլի որոշումը: Դրա համար, կարծում եմ, որ Տաթևիկ Ռևազյանի այս ավիընկերության գալու մեջ ավանդ չունի: Սա Նիկել Փաշինյանի անձնական որոշումն է և սրանք բյուջետային փողեր են»: