«Ժողովուրդ». Ինչո՞ւ է բժիշկ Վահագն Համբարձումյանի գործi եզրակացությունn այդքան մեղմ տրվել
«Ժողովուրդ» թերթը գրում է․
«Հոկտեմբերի 4-ին Ուռուցքաբանության կենտրոնի բռնցքամարտիկ տնօրենի ժՊ Նարեկ Մանուկյանն իր աշխատասենյակում բժիշկ Վահագն Համբարձումյանի հետ ծեծկռտուքի ընթացքում կոտրել էր վերջինիս քիթը, երբ հորը աշխատանքից ազատելուց հետո բժիշկը պարզաբանման համար մտել էր տնօրենի մոտ:
Առողջապահության նախարար Արսեն Թորոսյանն էլ, քիթ կոտրելու տնօրենի քայլն, ըստ էության, արդարացնելով, ասել էր. «Բուժաշխատողների կողմից ապօրինի գումարների «շորթումը» անընդունելի է եւ միշտ արժանանալու է նման խիստ արձագանքի»:
«Ժողովուրդ» օրաթերթը պարզել է , որ ԱՆ «Դատաբժշկական գիտագործնական կենտրոն» ՊՈԱԿ-ը դատաբժաշկական փորձաքննությունից հետո եզրակացություն է տվել, որ բժիշկ Վահագն Համբարձումյանը թեթեւ վնասվածք է ստացել, այնինչ բժիշկը պատրաստվում է արդեն երկրորդ անգամ վիրահատել քիթը, ավելին` նա նույնիսկ ուղեղի ցնցում է ստացել:
«Ժողովուրդ» օրաթերթը այս կենտրոնի տնօրեն Մհեր Բիշարյանից հետաքրքրվեց, թե ինչու են այս մեղմ եզրակացությունը տվել, արդյոք կաշկանդվսծ չէ՝ լինելով առողջապահության նախարարության ենթակա հիմնարկ: «Գործը գտնվում է նախաքննության եւ հետաքննության փուլում, եւ ոչ մի մեկնաբանություն եւ տեղեկատվություն չենք կարող տրամադրել»,-ասաց Բիշարյանը»:
Մաանրամասները՝ թերթի այսօրվա համարում
