Հայերը կովկասցի չեն, Հայաստանը Կովկաս չէ, պարոն վարչապետ. երբ երկրի ղեկավարը չգիտի սեփական ազգի ծագումնաբանությունը

Այսօր, նոյեմբերի 8-ին, երբ վարչապետ Նիկոլ Փաշինյանը հանդիպեց ԿԳՄՍ նախարար Արայիկ Հարությունյանի դեմ կազմակերպված ակցիայի մասնակիցներին: Նա երիտասարդներին փորձում էր համոզել, որ նախարարի դեմ կազմակերպված ակցիան իզուր է:

Նա նաև հորդորեց երիտասարդներին զրուցել և գալ համաձայնության. «ի վերջո բոլորս էլ կովկասցի ենք»,-ասաց նա, ինչի ՀՅԴ երիտասարդներից մեկն արձագանքեց. «ո'չ, պարոն վարչապետ, հայերը կովկասցի չեն, արիացի են»:

Փաշինյանը կամ չընկալելով իր սխալը, կամ էլ փորձելով քողարկել իր չիմացությունը` շարունակեց. «հա, բայց կովկասում ենք ապրում չէ՞»...

Իհարկե ամեն մարդ սխալվելու իրավունք ունի, բայց այն, որ «ժողովրդի սրտի վարչապետը» համառորեն կրկնեց սխալը` պարզապես չիմացության արդյունք էր. Հայաստանի վարչապետը փաստորեն ծանոթ չէ իր սեփական ազգի արմատներին ու ծագումնաբանությունը: Նա տեղյակ չէ` հայերը կովկասցի՞ են, թե՞ արիացի... Այս ֆոնին խոսել վարչապետի հետ ազգային արժեքներից ու ազգայինը պահպանելու մասին, թերևս ավելորդ է:

NEWSPRESS.am-ը փոքրիկ պատմական ակնարկ որոշեց անել նրանց համար, ովքեր չգիտեն.

Հայկական լեռնաշխարհը Երկրագնդի վրա այն եզակի տեղերից մեկն է, ուր տեղի է ունեցել ժամանակակից մարդու ձևավորման գործընթացը»: Այդ են վկայում բազմաթիվ գիտական ուսումասիրություններ ու հնագիտական պեղումներ: Հատկանշական է, որ «Homo Sapiens» մարդատեսակի առաջացումն ու ձևավորումը տեղի է ունեցել Հայկական լեռնաշխարհում` որպես աշխատունակ, բանիմաց էակ: Այս ամենով հանդերձ, Հայկական լեռնաշխարհը ծառայել է որպես արիական ցեղերի ծագման կենտրոն և առաջին արիական ցեղը համարվում է հայ ժողովուրդը` որպես արևապաշտներ կամ արևի որդիներ:

Հայերը, որպես առաջնակարգ արիական ժողովուրդ, ովքեր կազմնավորվել են Հայկական լեռնաշխարհում, ընդգրկում են յուրահատուկ մի մարդատեսակ, որն հայտնի է արմենոիդ անվանումով: Արիական ցեղատեսակը այժմ ընդգրկում է բավական մեծ աշխարհագրական տարածք: Կազմնավորվելով Հայկական լեռնաշխարհում` այն ձգվում է Հիմալայան լեռներից (Հնդկաստանի հյուսիս) մինչև Հյուսիսային Եվրոպա: Բացի հայերից, արիացի են նաև համարվում գերմանացիները, պարսիկները և հնդիկները:

Իհարկե այս տեսության մասին կարելի է երկար խոսել, սակայն սա այն ընդհանուր պատկերն է, որ կարելի է ներկայացնել 1-2 րոպեի ընթացքում` ի գիտություն վարչապետի ու բոլոր այն հայերի, ովքեր անտեղյակ են իրենց ծագումնաբանությունից:

Ինչ վերաբերում է կովկասցիներին, ապա արդեն նշեցինք, որ Հայաստանը գտնվում է հայկական լեռնաշխարհում: Իսկ հայկական լեռնաշխարհը Կովկասից բաժանվում է Կուր գետով: Հարավային Կովկաս, նշանակում է Կովկասի այն շրջանները որոնք գտնվում են Կովկասի հարավում և կազմում են նրա մի մասը:

Հարավային Կովկաս` չի նշանակում տարածք, որը գտնվում է Կովկասից հարավ: Հայկական լեռնաշխարհի ու Կովկասի միջև սահմանը Կուր գետն է, հետևաբար Հարավային Կովկաս ասելով պիտի նկատի ունենանք Կուր գետի ձախ ափի ու Մեծ Կովկաս լեռնաշղթայի միջև ընկած տարածք, որի մեջ Հայաստանը չի մտնում:

Մեծ Կովկասի հարավային և հյուսիսային փեշերին ապրում են մոտ 400  ցեղախմբեր, որոնց մեջ հայերը չկան, պարոն վարչապետ:

Հետևաբար Հայկական լեռնաշխարհում ձևավորված հայ ժողովրդը չի կարող կովկասցի լինել, իսկ Հայաստանը` Կովկաս: