Իրավական դաշտի նկատմամբ ճնշումները միջնադար են հիշեցնում․ Աղվան Վարդանյան (տեսանյութ)
Այն, ինչ կատարվում է դատական համակարգի հանդեպ, իրավական պետություն չի կարող կոչվել։ Այս մասին լրագրողների հետ զրույցում ասաց նախկին պատգամավոր Աղվան Վարդանյանը՝ «Վերնատուն» հասարակական-քաղաքական ակումբի միավորիչ հավաքի ժամանակ լրագրողների հետ զրույցում։
Նա նկատեց, որ Հայաստանում այսօր այն պահն է հասունացել, որ քննարկվեն երկրի անվտանգության խնդիրներն արցախյան բանակցությունների ներկա վիճակում, մեր հասարակության մեջ տիրող մթնոլորտը և դատական համակարգի, դատական իշխանության այսօրվա վիճակը:
«Այն, ինչ կատարվում է դատական համակարգի նկատմամբ, Սահմանադրական դատարանի նկատմամբ, ակնհայտ է, որ այստեղ իրավական պետություն գոյություն չունի»,- ասաց Աղվան Վարդանյանը՝ հավելելով, որ իրենց նպատակն է թույլ չտալ, որ դատական համակարգը դառնա իշխանությունների կցորդը։
Վարդանյանի խոսքով՝ բիրտ ճնշումներ կան դատական համակարգի վրա, և այն, թե ինչպես են աշխատում դատավորները, միջնադար է հիշեցնում: Ըստ նրա՝ Հայաստանն իրավական պետություն չէ:
«Այն ինչ կատարվում է այսօր դատական համակարգի նկատմամբ, միջնադար է հիշեցնում»,-ասաց նախկին պատգամավորը։
Մինչ լրագրողների հետ զրույցը, Աղվան Վարդանյանն իր ելույթի ժամանակ նշեց նաև, որ այսօր Հայաստանում կա 5-6 տարբեր ուժային կենտրոն, որոնց մտահոգությունները նույնն են։
«Կկարողանա՞ն նրանք գտնել այն ոսկե միջինը, ընդհանուր, միասնական օրակարգը. կարծում եմ՝ այսօր իրոք անհրաժեշտ է հստակ օրակարգեր ձևավորել, որոնց շուրջ հասարակությունը կհամախմբվի»,- ասաց Վարդանյանը:
Մանրամասները՝ տեսանյութում
