Գարիկ Աբելյանը նշանակվել է Սյունիքի մարզի դատախազության դատախազի պաշտոնում

ՀՀ գլխավոր դատախազ Արթուր Դավթյանի հրամանով Գարիկ Արթուրի Աբելյանը նշանակվել է Սյունիքի մարզի դատախազության դատախազի պաշտոնում:

Կենսագրություն

Ծնվել է 1993 թվականի փետրվարի 23-ին Գորիս քաղաքում:

2000 թվականին ընդունվել է Գորիսի թիվ 2 դպրոցը, որն ավարտել է 2010 թվականին (գերազանցության ոսկե մեդալով):

2010 թվականին ընդունվել է Երևանի պետական համալսարանի Իրավագիտության ֆակուլտետը:

2011-2013 թվականներին պարտադիր ժամկետային զինծառայության է անցել ՀՀ զինված ուժերում:

Շարունակելով ուսումը՝ 2016 թվականին, ավարտել է ԵՊՀ իրավագիտության ֆակուլտետը՝ ստանալով իրավագիտության բակալավրի աստիճան:

2016 թվականին ընդունվել է ԵՊՀ իրավագիտության ֆակուլտետի մագիստարատուրան և գերազանց առաջադիմությամբ ավարտել այն 2018 թվականին՝ ստանալով իրավագիտության մագիստրոսի աստիճան:

2016 թվականի օգոստոսի 4-ից մինչև 2018 թվականի սեպտեմբերի 13-ն ընկած ժամանակաշրջանում աշխատել է ՀՀ վերաքննիչ քրեական դատարանում՝ որպես դատավորի օգնական:

2018 թվականի հոկտեմբերի 15-ից մինչև նույն թվականի դեկտեմբերի 15-ն ընկած ժամանակաշրջանում աշխատել է ՀՀ ԱՆ «Օրենսդրության զարգացման և իրավական հետազոտությունների կենտրոն» հիմնադրամում՝ որպես կարճաժամկետ փորձագետ:

Ամուսնացած չէ, անկուսակցական է: