Արտակարգ դեպք Արարատում. շակալների ոհմակը հոշոտել է 25-ից ավելի ջայլամների, մի քանիսին էլ վիրավորել. Shamshyan.com (ֆոտո, վիդեո)

Այսօր՝ դեկտեմբերի 4-ին, արտակարգ դեպք է տղի ունեցել Արարատի մարզում: Ժամը 10:45-ի սահմաններում Արտակարգ իրավիճակների նախարարության փրակարար ծառայության 9-11 օպերատիվ կառավարման կենտրոն ահազանգ է ստացվել, որ Մասիս քաղաքի վարչական տարածքում գտնվող դաշտամիջյան հատվածում նոր կառուցվող Մասիսի ջայլամաբուծական ֆերմայի տարածքում, կասկածելի հանգամանքներում հոշոտվել են մեծ թվով ջայլամներ:

Ինչպես հայտնում է Shamshyan.com-ը, ոստիկաններն ու փրկարարները նշված ֆերմայում հայտնաբերել են 25 հոշոտված 4-7 ամսական ջայլամներ, իսկ ևս 8 ջայլամ վնասվածքներ է ստացել: Այս պահին մասնագետները փորձում են պարզել՝ ջայլամները շակալի, թե աղվեսի կողմից են հոշոտվել:

Նշված ֆերման վարկով ստեղծել է Մասիս քաղաքի բնակիչ, 65-ամյա Արմենակ Ասատրյանը և ֆերմայի շնորհիվ բացվելու էին նաև աշխատատեղեր, ինչը մեծ նշանակություն կունենար բնակիչների համար: 

Կայքը հայտնում է, որ ֆերմայի սեփականատերը կրել է մոտ 4 մլն դրամի վնաս: Ֆերմայի մոտ հավաքված մի քանի քաղաքացիներ ասում էին. «Նշված տարածքը ամայի էր, ֆերմայի տերը նախ բարեկարգեց տարածքը, կատարեց ծառատունկ և ստեղծեց ջայլամաբուծարան, ինչի շնորհիվ 15-ից ավելի՝ նախկինում գործազուրկ քաղաքացիներ արդեն աշխատանք էին ճարել և հոգում էին իրենց հանապազօրյա հացը: էս ամենը ֆերմայի սեփականատերն արել է վարկ վերցնելով ու հիմա ուզում ենք հավատալ, որ «Ակբա-Կրեդիտ» բանկը գոնե 2 տարի կսառեցնի տոկոսադրույքները, ինչը մեծ օգնություն կլինի բանկի կողմից Ա. Ասատրյանին»:  

Մանրամասները՝ սկզբնաղբյուր կայքում