Աչքալուսանք շորթման պահին բռնված լրագրող Գայանե Մանուկյանին (տեսանյութ)

Խղճով կաշառակեր գրչակն ու յուր` նախագահի անուն ազգանունով հանդես եկող «ադաշը» միաձուլվել են, այնպես են ձուլվել, հյուսվել իրար ու որ ընդհանուր թշնամիներ են գտել ու համատեղ ուժերով լծվել են «բոչկա գլորելու սուրբ գործին»: 

Մի հրապարակումից սարսռած, թե «լրագրողներ են ձերբակալվելու՝ պետության հիմքերը խարխլելու համար», երբեմնի հեռուստաաստղ լրագրողի սիրտը չոքերն է ընկել ու սկսել է ինքն իր ահից գոռալ: 

Գողին բռնեք, քանի ինքը չի բռնել

Ձեզ արդեն հայտնի լրագրող կոչվածին շատերդ կհիշեք, թեև նրա անունը դժվար թե ինչ-որ բան ասի. խոսքը Գայանե Մանուկյանի մասին՝ Հայաստանում 4,3 ընթերցող ունեցող մի կայքատիրոջ: Նրան կհիշեք, թե ինչպես էր ոստիկանից չորս լրատվամիջոցի համար գումար պահանջել, որպեսզի վարկաբեկիչ տեղեկություններ չհրապարակի: Պահանջել էր 800 հազար՝ հավանաբար յուրաքանչյուրին 200-հազարական դրամի խոստումով, բարիշել էին 400-ով, յուրաքանչյուրին՝ 100 հազարական: Ահա թե ինչու ենք էժանով բարիշող Գայանեին կնքել «խղճով կաշառակեր» անվամբ: Սա մենք չենք ասում, սրա վերաբերյալ նույնիսկ տեսանյութ է առկա, որը հրապարակվել է ոստիկանության կողմից և տարածվել գրեթե բոլոր լրատվամիջոցներով: 

Աչքալուսանք Գայանեին

NEWSPRESS.am-ը կապ հաստատեց Քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանի հետ, ով մեզ հետ զրույցում ասաց, որ Մանուկյանի գործը նախաքննության փուլում է և մոտ օրերս կուղարկվի դատարան: 

Երբ գողը գոչում է բռնեք գողին

Սույն ադաշներից մեկը, որ գոռում է, թե այլ գողեր գոռում են՝ գողին բռնեք, բռնվել է հանցանքի վայրում, հենց հանցանքի պահին: Մտածում է սույն տիկինը, թե մոռացե՞լ է հանրությունը իր՝ 20 հազարանոցներ շորթելը, թե՞ դատարանը գրավով ազատ արձակեց, մտածում է՝ չի պատժվելու: 

Նոր՝ պաշտոնաթող աղբյուրներ գտած ադաշների սրտին դիպել է մի անհայտ կայքի հրապարակումը, թե որոշ լրագրողներ պաշտոնյաների մասին վարկաբեկիչ հրապակումներ չանելու դիմաց գումարներ են ստանում: Տողերը դիպե՞լ են ադաշների սրտին՝ դժվար չէ հասկանալ: Դժվար չէ հասկանալ նաև յուր դուքյանում (լրատվամիջոց ասելն իսկ մեղք է) խեղամության թելադրողների ով լինելը: Նրանց էլ կհասնենք: Կամ հենց նրան, ո՞վ գիտի... 

Շորթողի ու յուր թիմակիցներ ի արկածները, վստահ ենք, այս տեսանյութով չեն սահմանափակվում, էլի կլինեն, որոնց կսպասենք մեծ անհամբերությամբ: 

Հ.Գ. Բարեգործությունն էլ ամեն մեկի համար չէ, մեկի համար մի տուփ տուշոնկա է, մեկի համար 400 հազար շորթված գումար, երրորդի համար՝ պարզապես հոգին ավելի մաքուր ու ավելի խաղաղ պահելու միջոց: 

Առողջ եղեք: Գլխից: 

NEWSPRESS.am