Ամանորյա անակնկալ՝ «Վիվառո»-ից․ ընկերությունը խաղացող կնոջը վերադարձրել է տանուլ տված բնակարանի գումարը

Ամանորի նախաշեմին «Վիվառո» բուքմեյքերական ընկերությունն անակնկալ է մատուցել։ NEWSPRESS.am-ի խմբագրություն է դիմել մի կին, ով որոշել է կիսվել իր զգացողություններով։ Հայտնի պատճառներով, կինը չցանկացավ ասել իր անունը, այդ իսկ պատճառով նրա համար պայմանական անուն կընտրենք։

Տիկին Ելենան պատմեց, որ սիրում է խաղադրույքներ անել «Վիվառո» բուքմեյքերական ընկերության գրասենյակներում։ Մի քանի անգամ «բախտը բերելուց» հետո, նա ավելի է ոգևորվել և նոր՝ ավելի մեծ խաղադրույքներ կատարել, սակայն շատ չանցած՝ տիկին Ելենան տանուլ է տվել ոչ միայն մեծ գումարներ, այլ նաև վաճառել տունը: 

Կինն այդ ամենը վերադարձնելու հույսով, նորից է խաղացել, բայց՝ 0 արդյունք․․․ ու քանի որ նա, մեղմ ասած, սննկացել է հենց իր մեղքով, ուստի ոչ ոքի իր խնդրով չի դիմել։

«Էս ամենի մասին չէի պատմի, բայց էն, ինչ եղավ, անգամ երազել չէի կարող։ Պատկերացնո՞ւմ եք՝ Ամանորի նախաշեմին, ինձ համար շատ անակնկալ, զանգ եմ ստանում․ անծանոթ մի ձայն ճշտում է, թե ում հետ է խոսում, հետո ասում, որ ինձ կանչում են Վիվառոյի գրասենյակ՝ անակնկալ ունեն»,- պատմում է կինն ու նշում, որ սկզբում չի հավատացել, որ գրասենյակից են և մտածել է՝ չար կատակ է, բայց վճռել է գնալ։

«Մտա գրասենյակ ու դեռ մտածում եմ՝ կարո՞ղ ա ինչ-որ մեկը իրոք չար կատակ ա արել ու ինձ չեն կանչել, բայց մոտեցա աշխատողներին ու ասացի, որ ինձ զանգել են և ինձ ուղեկցեցին մենեջերի մոտ»,- ասում է կինն ու ընդհատում պատմությունը՝ հուզված արցունքներն է մաքրում։

Նրան վերադարձրել են տանուլ տված տան գումարը:

Մեզ հետ զրույցում կինն ասաց, որ երբ ինքն ընկերության գրասենյակում էր, էլի մարդիկ եկան, ովքեր, ինչպես և ինքը, Ամանորի «նվեր» ստացան։

«Չլսված բան է․ ուզում էի շնորհակալությունս հայտնել ընկերությանը, բայց էնքան հուզված էի, ոնց որ երազում լինեի, չէի կողմոնորշվում՝ ո՞նց կարող եմ դա անել։ Հիմա իմ ու բոլոր էն մարդկանց անունից, ովքեր այդ օրն ու դրան հաջորդող օրերին ընկերությունից հետ են ստացել իրենց տանուլ տված գումարները, ուզում եմ ասել, որ անչափ շնորհակալ եմ։ Հիմա ձեզ էս ամենի մասին պատմում եմ, ու մարմինս փշաքաղվում է հուզմունքից, տեսե՛ք (թևերն է ցույց տալիս-հեղ․), թող Աստված իրենց երկար տարիների կյանք ու առողջություն տա, որ էդպես մարդկային վերաբերմունք են ցուցաբերում»,- ասում է կինը։

Նա չգիտի՝ կխաղա՞ էլի, թե՞ ոչ, բայց վստահ է, որ ինքն իր նկատմամբ վերահսկողությունը երբեք չի կորցնի խաղի ընթացքում: