«Հրապարակ». Հիմա որ Սերժ Սարգսյանի կամ Ռոբերտ Քոչարյանի դերը խաղամ, պետք է նույնականացնեք կերպարի հե՞տ
«Հրապարակ» թերթը գրում է.
«Պատգամավոր դառնալուց հետո շատացե՞լ են նկարահանվելու հրավերները՝ հարցրինք «Իմ քայլի» պատգամավոր, կինոդերասան Արթուր Մանուկյանին։ «Չէ, քչացել են»:
Ի դեպ, նկարահանվել եք բավականին էկզոտիկ` միասեռականի դերում. դժվար չէ՞ր։ «Ե՞վ: Դա խնդի՞ր է: Հիմա որ ես Ստալինի դերը խաղամ կամ Հիտլերի, կամ Նիկոլ Փաշինյանի դերը, ինչ, դա կարող է քննարկման թեմա՞ լինել»:
Ստալինին շատերն են մարմնավորել, Նիկոլ Փաշինյանի դերը խաղացեք` դեռ կինո չկա նրա մասին։ «Կամ Սերժ Սարգսյանի, կամ Ռոբերտ Քոչարյանի դերը. ինչ է, ինձ պետք է նույնականացնեք կերպարի հե՞տ։ Ով այդպես բան է մտածում, խորապես սխալվում է»:
Շարունակո՞ւմ եք մնալ հեղափոխության ֆանատը, Ձեզ դո՞ւր է գալիս պառլամենտում։ «Ես չեմ հասկանում․ ի՞նչ է նշանակում` «ֆանատը»։ Դե, աշխատանքային պրոցես է, դուր գալու հարց չի։ Ինչ չենք հասկանում, փորձում ենք հասկանալ, ինչ հասկանում ենք, փորձում ենք իրականացնել»:
Պառլամենտի մթնոլորտը Ձեզ դո՞ւր է գալիս։ «Ոչ, անիմաստ` ներվային խոսակցություններ են, ինքնահաստատման փորձեր»: «Իմ քայլո՞ւմ»։ «Չէ, «Իմ քայլում» չէ, մնացածների մոտ»: «Իմ քայլում» չկա՞ նման բան։ «Նու, կան մարդիկ, որ խնդիր ունեն-բան, բայց էդ աստիճանի չէ, որ ինձ ներվայնացնեն»: Չե՞ք ներվայնանում։ «Ո՛չ»:
Մանրամասները՝ թերթի այսօրվա համարում
