Գոնե տարրական ինքնասիրություն ունեցեք Ձեր անցյալի նկատմամբ. Անի Սամսոնյանը՝ «Իմ քայլի»՝ նախկին ՀՀԿ-ական պատգամավորին (տեսանյութ)
Ազգային ժողովի «Լուսավոր Հայաստան» խմբակցության պատգամավոր Անի Սամսոնյանն իր ելույթում արձագանքեց «Իմ քայլը» խմբակցության պատգամավոր Գևորգ Պապոյանի ելույթին, որը նա «ձոնել» էր «Լուսավոր Հայաստան» խմբակցության ղեկավար Էդմոն Մարուքյանին:
«Պարոն Պապոյան, եթե փոխխոսնակ Ալեն Սիմոնյանն այստեղ լիներ, ապա կասեր՝ պարոն Պապոյան, ամբիոնը մի ծռեք, ձեզ կարգին պահեք: Այ, որ դուք ամաչում եք ձեր հանրապետական անցյալի համար, մենք դրանում մեղավոր չենք: Ա՛յ, օրինակ, երբ պարոն Մարուքյանը հաղթում էր հանրապետական թեկնածուին դուք երազում էիք հանրապետական իշխանության գրկում տաքուկ տեղ ունենալու համար, հետո դա չստացվեց, հիմա դուք հեղափոխության գրկում եք տաքանում: Ես ձեզ հասկանում եմ՝ Դուք Հռոմի Պապից ավելի կաթոլիկ երևալու խնդիր ունեք, բայց միևնույն ժամանակ, գոնե տարրական ինքնասիրություն ունեցեք Ձեր անցյալի նկատմամբ, եթե եկել եք այստեղ, արդարացնում եք Ձեր անցյալը, դա մեզ ընդհանրապես չի հետաքրքրում»,- ասաց Սամսոնյանը՝ խորհուրդ տալով նախ անցնել Էդմոն Մարուքյանի անցած ճանապարհը, նոր փորձել ԱԺ ամբիոնից գանհատականներ հնչեցնել:
Մանրամասները՝ տեսանյութում
