Վիրուսը հասավ բանակ. ՆԻԿՈ՛Լ կանգ առ ու ԳՆԱ՛. Արիանա Հովսեփյան

Եթե վարչապետ Նիկոլ Փաշինյանի ֆեյսբուքյան այսօրվա ուղիղ եթերը չլիներ, գուցե անդրադարձ նրան չանեի, բայց երբ տեսա, թե ինչպես է մեծն պոպուլիստը ուղիղ եթերում զանգում օրավարձով ապրողներին ու խախատելով էթիկայի ամենատարրական կանոնները` տալիս նրանց անձնական բնույթի հարցեր ու դրանց պատասխանները ուղիղ եթերով հանրայնացնում, ուղղակի չեմ կարող այլևս չշրջանառել #ՆԻԿՈ՛Լ, ԳՆԱ՛ հեշթեգը:
#ՆԻԿՈ՛Լ, ԳՆԱ՛ ու որքան շուտ՝ այնքան մեր պետականությանը հասցված վնասները կլինեն քիչ:
#ՆԻԿՈ՛Լ, ԳՆԱ՛, որովհետև քո մնալը այլևս սպառնալիք է հասարակության անվտանգությանը, որովհետև մենք տեսանք, թե հանրահավաք անելու քո մարմաջն ինչպես մթագնեց գիտակցությունդ ու չզգացիր ամբողջ աշխարհին պատուհասած համաճարակի վտանգը Հայաստանի համար:

Այդ վտանգը չզգացիր անգամ այն ժամանակ, երբ քեզ բոլորը կոչ էին անում փակել Հայաստանի սահմանները, չզգացիր, որովհետև այն ժամանակ քեզ համար կորոնավիրուսը ընդամենը «շուն էր»:

Պետական մտածողության բացակայությունը բերեց նրան, որ Հայաստան ներթափացված վիրուսով ընդամենը մի քանի օրում 320 մարդ վարակվեց:

Ամեն ինչ այս արագությամբ չէր զարգանա, եթե ժամանակին մի կողմ թողնելով անձնական ամբիցիաներդ դու և քո ամբողջ թիմը գործեիք ոչ թե ի վնաս, այլ հօգուտ պետության:

#ՆԻԿՈ՛Լ, ԳՆԱ՛, որովհետև քո և քո թիմի աշխատանքի հետևանքով է, որ կորոնավիրուսն արդեն հասել է բանակ, որտեղ մենք արդեն ունենք վարակված զինվորներ և դեռ հայտնի չէ, թե նրանց թիվը դեռ որքան կավելանա, եթե արտակարգ միջոցառումներ չիրականացվեն, որոնք կարող են նաև արդեն ուշացած համարվել:

Իհարկե, եթե որդիդ բանակում ծառայեր այնպես, ինչպես ծառայում են օրավարձով ապրող ՀՀ հպարտ քաղաքացիների որդիները, գուցե այդ ժամանակ վտանգը գերադասեիր էժանագին շուոներից, բայց քանի որ որդուդ ծառայությունն ընդամենը այդ շոուի և քո վարկնիշի համար արված մի քայլ է, դու կորոնավիրոսի բանակում հայտնվելու ռիսկը նաև չզգացիր: Եթե ինքդ էլ բանակում ծառայած լինեիր ու Ազգային ժողովը չողողեիր բանակում ծառայելուց խուսափած դասալիքներով, գուցե այդ ժամանակ համաճարակի հասցրած վնասը ՀՀ զինվորին կարողանայիր չափել, բայց քանի որ չես էլ ծառայել, դժվար կարողանաս նաև վնասի չափը հաշվել:

Եվ վերջապես, #ՆԻԿՈ՛Լ, ԳՆԱ՛, որովհետև մենք կործանելու հայրենիք չունենք, ԳՆԱ՛ ինքնակամ, քանի դեռ ՀՀ հպարտ քաղաքացին քեզ դա չի ստիպել: ՆԻԿՈ՛Լ կանգ առ ու գնա. հուսամ՝ անհրաժեշտ չափի հարստություն արդեն կուտակել ես մնացյալ կյանքդ վայելելու համար:

NewsPress.am կայքի հիմնադիր-տնօրեն Արիանա Հովսեփյան