Ձեր աշխատավարձ ստացողներն ո՞ւր են, ինչի՞ չեն եկել, որ ձեր օրենքն ընդունվեր. աղմուկ հանած նախագիծը չընդունվեց (տեսանյութ)

Աժ «Լուսավոր Հայաստան» խմբակցության ղեկավար Էդմոն Մարուքյանը ընդդիմադիր գործընկերներին կոչ արեց չմասնակցել համաճարակի հետևանքով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին միջամտելու մասին նախագծի քվեարկությաանը։

Նա նկատեց, որ եթե ընդդիմությունը բոյկոտի, ապա իշխանությունը ներկայացնող ուժը չի կարող անցկացնել նախագիծը։

Նախագիծը չընդունվեց, քանի որ քվորում չապահովվեց՝ քվերկությանը մասնակցեցին և կողմ քվեարկեցին միայն ներկա գտնվող իմքայլական պատգամավորներն ու անկախ պատգամավոր Արման Բաբաջանյանը։

65 կողմ, 0 ձեռնպահ և 0 դեմ ձայների հարաբերակցությամբ՝ նախագիծը չընդունվեց։

«Իմ քայլը» խմբակցոթյան ղեկավար Լիլիթ Մակունցը մեղադրեց ընդդիմությանը՝ նախագիծը տապալելու համար։ Ինչին Էդմոն Մարուքյանը արձագաքեց.

«Պետք չի իշխանության անգործությունը բարդել ընդդիմության վրա ու անիմաստ նախագիծ բերել։ Քիչ առաջ ասում էիք՝ աշխատավարձ եք ստանում, ինչո՞ւ չեք եկել մասնակցել քննարկումներին։ Հիմա ես եմ ասում՝ դուք ունեք 88 մանդատ, հիմա էդ աշխատավարձ ստացողներն ո՞ւր են, ինչի՞ չեն եկել, որ ձեր օրենքը ընդունվի։ Ընդդիմության ձայներո՞վ եք ուզում օրենք ընդունել, որին ընդդիմությունը դեմ է։ Կոչ կանեմ չշահակել քվեարկությունը»:

Մանրամասները՝ տեսանյութում