Բեսպրիդել է. սխալ մարդիկ են աշխատանքից հեռացվում

Ազգային ավիափոխադրող ունենալը Հայաստանի համար անպիտան զբաղմունք համարող Տաթևիկ Ռևազյանը շարունակում է իր դեկրետն անցկացնել հայրենի Դանիայում, իսկ Հայաստանում նրա ղեկավարած կառույցը շարունակում է փուլ գալ:

Այսօր հայտնի դարձավ, որ մեր քաղավիացիան փլվում է իշխանության ձեռամբ, որովհետև հերիք չէ Ռևազյանը շարունակում է գտնվել պետության ղեկավարի բարձր հովանու ներքո, մի հատ էլ այսօր Նիկոլ Փաշինյանը աշխատանքից ազատում է իր այն խորհրդականին, որը ոլորտի գիտակ է և իր մասնագիտական որակների շնորհիվ քաղավիացիան կարող էր դուրս բերել այս աղետալի վիճակից:

Նիկոլն իր խորհրդականին աշխատանքից ազատեց ոչ ավել, ոչ պակաս նրա համար, որ նա համարձակվել էր մեր ավիացիայի վերաբերյալ տրված միջազգային խայտառակ զեկույցի մասին զրուցել լրատվամիջոցի հետ:

Պատկերացնո՞ւմ եք, բեսպրիդելն այս երկրում այն աստիճանի է, որ պաշտոնյան աշխատանքից հեռացվում է լրատվամիջոցի հետ զրուցելու համար: Լկտիությունն այն աստիճան է հասել, որ Փաշինյանը՝ իր տարիներն այդ ոլորտին նվիրած մարդուն հեռացնելուց հետո, հերթական ֆեյսբուքյան գրառումն է անում, կցելով անբովանդակ ու ոչինչ չասոող մի տեսանյութ կապանյան ասուլիսից, որտեղ հերոսացնում է Հայաստանից թռած Ռևազյանին, մինչդեռ իրականում Ռևազյանը հիմա պետք է պատասխան տա հայկական ավիաընկերությունների գլխին քար գցելու և հայկական քաղավիացիան հեղինակազրկելու համար: Աշխատանքից ազատվողը պետք է լիներ Ռևազյանը, նա իր ձախողումներով ապացուցել է, որ քաղավիացիան իր տեղը չէ:

NewsPress.am