Չե՞ք կարողանում էդ շանը բռնել, գնացե՛ք, թո՛ղ բռնողը գա

Մարտի 14-ից մինչև ապրիլի 14-ը Հայաստանում հայտարարեցիք արտակարգ դրություն, որ պայքարեք կորոնավիրուսի տարածման դեմ, կանխեք վարակը՝ այն էլ այն վարակի, որը ձեզ համար շուն էր թվում:

4 օրից կլրանա արտակարգ դրության 30-րդ օրը: Այս 30 օրն իշխանության համար պետք է լիներ վարակը կանխելու ու դրա տարածումը թույլ չտալու ոսկե ժամանակ, բայց այսօր ի՞նչ է պարզվում՝ առողջապահության նախարարը դիմել է կառավարության ղեկավարին՝ ևս 1 ամսով արտակարգ դրությունը երկարաձգելու խնդրանքով:

Հիմա հարց է առաջանում՝ տղեք, բա էս 30 օրվա ընթացքում ինչո՞վ էիք զբաղվել, թիթեռ եք նկարե՞լ, կարո՞ղ է ձեր անփորձության պատճառով 3 ամսով արտակարգ դրություն հայտարարեք, բոլորին նստեցնեք տանը, մի թուլափայ նպաստ տաք ու ասեք՝ դիմացե՛ք, պայքարում ենք վարակի դեմ:

Բա մարդկությունն ու գիտությունը ճգնաժամանյին պայմաններում կառավարելու ձևեր է ստեղծել, որոնք փորձված ու ապացուցված են իրենց արդյունավետությամբ, կամ գնացեք սովորեք, կամ էլ գնացեք, թող սովորածները գան հարցը լուծեն:

Դեռ որքան եք էս ժողովրդի կաշին մաշկելու, ի վերջո կարելի է չէ ասել, որ ի վիճակի չենք, մասնագետներ չունենք, իսկ առողջապահական ոլորտում ու ընդհանրապես կառավարման հմտություններ ուենցող մարդկանց հետ էլ դիտավորյալ չենք աշխատում.

Կարելի է խոստովանել ու հեռանալ: Տղերք, արե՛ք դա, քանի դա ձեզ չի ստիպել ժողովուրդը՝ անգամ կորոնավիրուսի համաճարակի ժամանակ: 

Եվ մեկ էլ ժողովրդի ադեկվատ հատվածին և պողոսներին բացատրեք, թե այդ ինչպե՞ս է ստացվում, որ «Արտակարգ դրության իրավական ռեժիմի մասին» օրենքի 5-րդ հոդվածի 1-ին մասի համաձայն՝ Հայաստանի Հանրապետության ամբողջ տարածքում հայտարարվող արտակարգ դրության ժամկետը չի կարող գերազանցել 30 օրը, իսկ առանձին տարածքներում` 60 օրը, բայց դուք ցանկանում եք ևս 30 օրով գնալ երկարաձգման: որոշում եք ամբողջ Հայաստանում ևս 30 օրով արտակարգ դրության ժամկետ երկարաձգեք:

NewsPress.am