Դա եղել է իմ խոստումը. Թող հետ բերեն Գագիկ Խաչատրյանին և Սերժ Սարգսյանին. Վարչապետը խոսեց պարգևավճարների մասին
Եթե ժողովուրդը մտածում է, որ վատ որոշում է պետական բարձր պաշտոնյաներին աշխատավարը բարձրացնելը, ժողովրդի լեգիտիմ իրավունքն է, ինքը կարող է ցանկացած պահի անել նոր հեղափոխություն, մեզ այստեղից քշի, բերի այն հին բարի ժամանակների պաշտոնյաներին, որոնք ցածր աշխատավորձ են ստանում եւ լափում են պետական համակարգը, ովքեր փայ են մտոնում բիզնեսներում, ում համար ամեն աշխատանքային օրը կոնկրետ թվով գումար է, թե որքան փող մտավ իրոնց գրպանը, իրենց եղբայրների, աներների, զոքանչների եւ մնացածների գրպանը։ Այս մասին այսօր ԱԺ–ում կառավարույան հետ հարցուպատասխանի ժամանակ ասաց վարչապետ Նիկոլ փաշինյանն՝ անդրադառնալով ԱԺ «Իմ քայլը» խմբակցության պատգամավոր Արմեն Փամբուխչյանի դիտարկմանը, որ վերջին օրերին հատկապես համացանցում անընդհատ լուրեր շրջանառվում է բարձրաստիճան պաշտոնյաների պարգեւավճարների մասին եւ սկսում են շահարկել այդ թեման։
Ի պատասխան` վարչապետը գաղտնիք բացեց` ասելով, որ գիտեր պատգամավորի հարցի մասին. «Ես պատրաստված եմ եկել: Ես հիմա ինձ թույլ կտամ ձայնագրությունից օգտվելու. պետական ապարատում աշխատավարձերի բարձրացումը Հանրապետության հրապարակում իմ տված խոստումն է, որը տրվել է ժողովրդի առաջ: Այս հայտարարությունը ես արել եմ 2018թ. ապրիլի 19-ին, և դրանից հետո ժողովուրդը պարտադրել է, որ ինձ ընտրեն վարչապետ: Այստեղ հետճանապարհ չկա, սրանից հրաժարվելու ճանապարհը հետհեղափոխություն անելն է: Ժողովրդի լեգիտիմ իրավունքն է` անել նոր հեղափոխություն, վերադարձնել հին, բարի ժամանակները, երբ պետական պաշտոնյաները ցածր աշխատավարձ են ստանում և լափում են պետական համակարգը: Ժողովրդի լեգիտիմ իրավունքն է ասելու` սրանց տարեք, Գագիկ Խաչատրյանին և Սերժ Սարգսյանին հետ բերեք»:
Վարչապետի խոսքով` պետական պաշտոնյան, որը պայքարում է ինչ-որ բանի դեմ հանուն ինչ-որ բանի, պետք է 100 տոկոսով կենտրոնացած լինի իր աշխատանքի վրա:
Մանրամասները՝ տեսանյութում:
