Երբ շակալին պատվաստված մալամուտին կերակրում են փիսիկի Whiskas-ով. Նաիրա Զոհրաբյան
ԱԺ ԲՀԿ-ական պատգամավոր Նաիրա Զոհրաբյանը Ֆեյսբուքի իր էջում գրում է.
«Երբ շակալին պատվաստված մալամուտին կերակրում են փիսիկի Whiskas-ով
Իվան Վլադիմիրովիչ Միչուրինի բույսերի սելեկցիայի հիմքում ընկած էր առավել որակյալ մշակաբույս ստանալու՝ հիբրիդիզացիայի եւ ընտրության մեթոդաբանությունը։
Իհարկե, ըստ Միչուրինի՝ զուտ օրգանիզմի կենսապայմանների փոփոխությունը չի կարող փոխել ֆիտոգենետիկորեն զարգացած կայուն գենոտիպը։
Ես միանգամայն պոզիտիվ եմ վերաբերվում միչուրինյան սորտի խնձորներին ու խաղողին, առավել եւս՝ ծաղիկներին, սակայն, երբ միչուրինյան պատվաստատեխնիկան սկսում է կիրառվել քաղաքականության մեջ ու փորձ է արվում, օրինակ, սովորական շակալին պատվաստել սկանդինավյան մալամուտի հետ, ու էդ բավական չէ, ստացված սիմբիոզին էլ կերակրում են թախտին թառած փիսիկների համար նախատեսված Whiskas-ով, այ էդ սիմբիոզը անիծում է Իվան Վլադիմիրովիչի տեսության ողջ հմայքը։
Ասածս ինչ է. վերջին օրերին, ըստ ամենայնի, վարկային նոր ֆինանսական ներարկում են ստացել եւ կրկին գերակտիվացել են սոցիալական ցանցերում հայհոյող սելեկտիվ որոշ տեսակներ։ Ընդդիմադիր գործիչների յուրաքանչյուր հարցազրույցի տակ, եթե անգամ նշյալ հարցազրույցը Բախի՝ «Տոկկատ եւ ֆուգա ռեմինորի» մասին է, էնպիսի էկզոտիկ հայհոյանքներ են շարում, որ Ակտյուբինսկի ստաժավոր հայհոյող ալկաշների աշխատանքային ստաժը տեղում զրոյացվում է։
Կոնկրետ ինձ դա քիչ է նյարդայնացում, քանզի ինչպես ասել է վարչապետը՝ «իմ կամքը ամուր է քարից էլ, իմ ոգին պարտվել չգիտի»։
Բայց արդյո՞ք մեր ցանկությունների նյութականացումը ահա սա է եղել, որ Դարվինի էվոլյուցիոն զարգացման նախնական էտապում խցանված մարդատեսականին, ստանալով
իր պատկերացրած ազատությունը, բլինչիկի լիստ սարքելու, կամ Ժիգուլու վալիկը փոխելու արանքում նավսյակի քֆուր գրի, որ ստաժը չկորի։ Չհաշված՝ պետպատվերի շրջանակում հայհոյող դրուժիննիկներին։
Հ. Գ. 1. Ի դեպ, վերջերս գիտնականները շատ կարեւոր մի բացահայտում են արել։ Պարզվում է, «դեպրեսիա» հոգեկան շեղում գոյություն չունի։ Կա սիրո եւ ուշադրության պակասի դիագնոզ։ Ու էս դիագնոզի տակ են բոլոր հնարավոր տիրույթներում ինքնազոհ հայհոյողները։
Հ. Գ. 2 Մի՛ արեք, պարզապես մի՛ արեք»։
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Կիրանցում ՔՊ-ն ստացել է 55,4 տոկոս, Բերքաբերում՝ 75.31 տոկոս, Ծաղկավանում՝ 81,5 ձայն
Նույն մահացու ինքնավստահությունը․․․
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
