Պետությունից ակնկալում ենք աջակցություն. առնվազն մեկ տարի մենք 0 եկամուտ ենք ստանալու. բողոքի ակցիա (տեսանյութ)

Զբոսաշրջային փոխադրումներ կազմակերպող ընկերությունների աշխատակիցները պահանջում են կառավարության աջակցությունը: Տուրիստական գործակալության վարորդները բողոքի ակցիա են իրականացրել, որի ժամանակ տեղեկացրել են, որ վարկով գումարներ են վերցրոլ՝ գործի մեջ դնելու համար և այսօր մեծ հաշվով կանգնել են խնդրի առաջ։ Ընկերություն կա սպասարկում է 150,000-250,000 դոլարի վարկ:

Զբոսաշրջային փոխադրումներ կազմակերպող ընկերություններից մեկի տնօրեն Արմեն Աբգարյանն էլ նկատեց, որ Մարտի 12-ին դիմել են Կառավարություն, որպեսզի կա´մ սառեցնեն մեր վարկերը մեկ տարի ժամկետով, կա´մ աջակցություն տրամադրեն, 40 օր գրեթե անցել է, սակայն ոչ մի պատասխան չունեն:

Նա լրագրողների հետ զրույցում ասաց, որ 20-30 տարիների ընթացքում տուրիստական տրանսպորտի ոլորտը բավականին մեծ զարգացում է ապրել Հայաստանում:

«Պահանջում ենք, որպեսզի մեկ տարով սառեցվի վարկերը: Խոսքը միայն վարորդների մասին չէ, կան անհատ ձեռնարկատերեր. կան մեծ տրանսպորտային ընկերություններ, որոնք ունեն մի քանի հազարից սկսած, մինչև մի քանի հարյուր հազար դոլարի վարկային պարտավորություններ: Բանկերն իրենց կողմից 2 ամսով հետաձգել են վարկային պարտավորությունները, ոմանք այն պայմանով, որ երրորդ ամսին պետք է բոոլոր տոկոսները մարվեն, ոմանք՝ այդ երկու ամսին կավելացնեն ևս երկու ամիս»,- ասաց նա:

Արմեն Աբգարյանը նկատեց, որ ըստ մասնագետների, ոլորտը կվերականգնվի լավագույն դեպքում 1.5-ից 2 տարվա ընթացքում: «Մենք մեր պետությունից ակնկալում ենք աջակցություն՝ բանկային այս պարտավորությունների մեկ տարվա ժամկետի համար, մեզ օգնեն: Առնվազն մեկ տարի մենք 0 եկամուտ ենք ստանալու»,- շեշտեց նա: