Զուգադիպությու՞ն՝ չեմ հավատում․ Ձեր պապիկը այս խեղկատակների ձեռքը դարձել է զոհ

Տիգրան Վարդանյանն անդրադարձել  ապրիլի 24-ին Ծիծեռնակաբերդ բարձրանալ ցանկացող Արտուշ պապիկի հետ տեղի ունեցածին։

«Ձեր բոլորի պապիկը: Ձե՛ր ու Նիկոլի, բայց ոչ թե իմ...

Երեկ մի տարեց մարդ Ծիծեռնակաբերդի մուտքի մոտ կակաչները ձեռքին կանգնել էր: Ոչ մի լրատվականի ներկայացուցիչ չկար, բացի Ազատություն ռադիոկայանից, որն էլ սկսեց լուսաբանել:
Առաջին կասկածս այստեղ հայտնվեց:

Համացանցը պայթեց: Հույզե՜ր, էմոցիա, տարբեր կարծիքներ:

Մի փոքր ժամանակ անց, այլ քաղաքացիների ուղեկցությամբ ձեր բոլորի պապիկը հայտնվում է եկեղեցու բակում, պարզապես նրա ձեռքին արդեն ոչ թե կակաչներ էին, այլ՝ մեխակներ: Այստեղ 2-րդ կասկածս հայտնվեց: Իսկ համացանցը շարունակում էր պայթել՝ Արտուշ պապիկը, մեր բոլորի պապիկը, Հայաստանի սիմվոլը և այլն: Լռում էի:

Սրան էլ հաջորդում է Հակոբյան Աննայի, Աբաջյան Գոհարի, Սաֆարյան Ստյոպայի գրառումը, որտեղ ձեր բոլորի պապիկին ուղեկցում էին Ծիծեռնակաբերդ: Այս աենին տագնապով ավելանում է Ֆեյքերի ՊՈԱԿ-ը, որպեսզի լայքերով և մեկնաբանություններով շոուն ապահովեն: Սա էլ 3-րդ կասկածս:

Զուգադիպությու՞ն՝ չեմ հավատում: Շոո՞ւ՝ այո՜: Այս ամենին էլ գումարում ենք այն կեղտոտ իրականությունը՝ Աբաջյան Ռոբերտի կեղծ պապիկը, ոստիկան Աշոտի հեղափոխական կեղծ տատիկը, անդադար շոուներ, արժեքների ոտնահարում և ստանում ենք իրական, բայց լպրծուն պատկերը:

Ձեր պապիկը այս խեղկատակների ձեռքը դարձել է զոհ և մասնակցել շոուի և դեռ 2018թ.-ից:

Ծափահարում եմ քեզ Նիկոլ Փաշինյան, շոուդ ստացվեց, բայց մասամբ: Նկարը քեզ նվեր:

Ներողություն, բայց չեմ հավատում ձեր պապիկին և ունեմ դրա բոլոր պատճառները»,-գրել է Տիգրան Վարդանյանն ու մեկ այլ գրառմամբ էլ ներողություն հայտնել Արտոշ պապից, որ ստիպված եղել գրել այդ «շոուի» մասին ու նրա անունը ևս շոշափել։

«Արտուշ պապիկ, չգիտեմ, արդյոք կտեսնե՞ս այս գրառումս, կասեն, կպատմեն քեզ, թե՞ ոչ, բայց Հայաստան վերադառնալուս պես, ես քեզ գտնելու եմ և օգնելու եմ իմ ուժերի ներածի չափով: Գիտեմ, որ անկեղծ ու սրտացավ մարդիկ էլ կօգնեն, բայց ես ևս անմասն չեմ մնա:
Ու հավատա ինձ, բայց էս սրիկաները քեզ օգտագործելու համար էլ են պատասխան տալու:

Անկախ ամենից չկոտրվես, ամուր կմնաս մինչև հասնեմ և կներես հազար անգամ, որ բացահայտմանս մեջ դու էլ ես ներառված եղել և շնորհակալություն քեզ ... (կասեմ ինչի համար):

»