Կան ընտանիքներ որտեղ ծնողները, հենց իրենց երեխային, ենթարկել են սեռական շահագործման. Զոհրաբյան

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը վստահեցնում՝ շատ ընտանիքների է հանդիպել, որտեղ հենց ծնողներն են իրենց երեխային ենթարկել սեռական շահագործման: ԱԺ մարդու իրավունքների պաշտպանության և հանրային հարցերի մշտական հանձնաժողովի նիստի ժամանակ պատգամավորը նկատեց, որ դեմ չէ, երբ ուզում են երեխաներին ընտանիք տեղափոխել, սակայն միևնույն ժամանակ նա հետաքրքրվեց, թե ռիսկային ընտանիքների հետ կա՞ արդյոք հետադարձ կապ, թե՞ ոչ։

«Միանշանակ է, որ երեխան պետք է ապրի ընտանիքում, բայց կան ընտանիքներ, որտեղ ուղղակի հակացուցված է երեխա պահելը»,- այսօր ասաց Զոհրաբյանը:

Պատասխանելով պատգամավորի հարցին՝ շխատանքի և սոցիալական հարցերի նախարար Զարուհի Բաթոյանը նշեց, որ ռիսկային խմբի երեխաների դեպքում, որևէ քայլ չի իրականացվում նրանց ընտանիք վերադարձնելու։

«Մենք դեռ շարունակում ենք ունենալ մեկ գիշերօթիկ դպրոց։ Այս պահին մենք մեկ ճգնաժամային կենտրոն ունենք Երևանում և ևս երկուսը պատրաստվում ենք ստեղծել՝ մեկը Սյունիքում, մյուսն էլ՝ Գյումրիում»,- տեղեկացրեց նախարարը։

Ինչ վերաբերում է երեխաների՝ ընտանիք վերադառնալուց հետո անցկացվող մոնիթորինգին, ապա նա նշեց, որ այն իրականացնում են ՀԿ-ներն ու մարզպետարանները։ Բայց նախարարությունն այս պահին նաև քայլեր է անում՝ համակարգը բարելավելու համար։

Հիշցնենք, որ 2020 թվականի հունվարի մեկից ՀՀ կառավարության որոշմամբ փակվեցին Հայաստանի  4 գիշերօթիկ հաստատություններ՝ երկուսը Գյումրիում, մեկը՝ Բյուրեղավանում, մյուսն էլ՝ Դիլիջանում։ Ֆինանսական միջոցների սղության և պարտքերի պատճառով տարեսկզբին փակվեց նաև Մայր Աթոռի հովանու տակ գտնվող «Թռչունյան տուն» գիշերօթիկ հաստատությունը։

Այս գործընթացը Կառավարությունը մեկնաբանեց որպես բարեփոխում, որն իբրև հուսահատության դեմ է։