Մարդկանց ասում էիք՝ եկեք քվեարկությանը մասնակցեք, այդ ժամանակ ձեզ պետք էին, իսկ հիմա այդ մարդկանց գազն ու լույսը անջատում են. Մարուքյան (վիդեո)

Կառավարությունն ասում է փող չկա, իսկ եթե կա ուրիշ բանի համար է. մոտավորապես այսպես։ Այս մասին ԱԺ նիստի ժամանակ իր ելույթում ասաց «Լուսավոր Հայաստան» խմբակցության ղեկավար Էդմոն Մարուքյանը:

«Վերջին երկու տարում, հնարավոր է ՀՀ քաղաքացիների բախտը բերել է այս առումով, եղել են խնայողություններ. կապիտալ շինարարությունը թերակատարվել են, հարկային լավ տարի է եղել, շատ մեքենա են ներմու: Այդ խնայողությունների հաշվին այս պահին կա 385 միլիարդ դրամ փող, որից մոտ 150 միլիարդը ազատ փող չէ, կան պարտավորություններ, բայցբայց մոտավորապես մի 200 միլիարդ փող, կառավարությունը կարող էր աջակցել ժողովրդին և այդ միջոցները սրսկել տնտեսության մեջ»,-ասաց Մարուքյանը:

Նա նկատում է, որ կառավարությունն առաջարկում է այդ գումարներն ուղղել պետբյուջե, քանի որ հնարավոր է թերացումներ լինեն հարկային պարտավորություններում, իսկ իրենք առաջարկում են այդ գումարները հատկացնել այն քաղաքացիներին, ովքեր չեն կարողացել մուծել կոմունալ վճարն ու զրկվել են հոսանքից ու գազից։

«Հաշվի առնելով այն, որ ժողովրդի ձեռքին գումար չկա, առաջարկում ենք հինգ հարյուր հազար ընտանիքի տալ հարյուր հազար դրամ, որը կազմում է 50 միլիարդ դրամ, 470 հազար թոշակառուներին էլ մեկ ամսվա հավելյալ թոշակ, և այս երկու ծրագիրը միասին հարյուր միլիարդ դրամը չի անցնի: Մեր կառավարության որոշ գործընկերներ ասում են, որ սա պոպուլիզմ է: Սա պոպուլիզմ կլիներ, եթե քաղաքացիները կարիք չունենային, մենք ասեինք՝ տվեք, կամ այդ փողը չլիներ, մենք ասենք տվեք»,-ասաց նա:

Պատգամավորը նկատեց, որ դա անհրաժեշտ է այս պահին քաղաքացիներին, քանի որ նրանք ծախսել են մինչ այս պահին արված խնայողությունները, եթե այդպիսիք կային, իսկ մայիսին արդեն կանգնելու են խնդրի առաջ, քանի որ ապրիլ ամսին չեն աշխատել և աշխատավարձ չունեն ստանալու։

«4300 բաժանորդի էլեկտրաէներգիա է անջատվել, 700-ից ավելի էլ գազն է անջատվել; Մարդիկ վճարել են իրենց սննդի վերջին գումարը, որ լույս ունենան, երեխան կարողանա դաս անել: Ամբողջ աշխարհը ուղղակի փող է տվել մարդկանց, և դա ամենաարդյունավետն է:Կարող էին, չէ՞ մտածել 10 ծրագիր, 14 ծրագիր, բայց մտածել են մեկ ծրագիր, որով ուղղակի փող են տվել մարդկանց»,-ասաց նա:

Էդմոն Մարուքյանը նկատեց, որ կառավարությունը փորձել է թիրախավորել կարիքավորներին, իսկ իրենք կարծում են, որ դա չի ստացվել և առաջարկում է հակառակ թիրախավորման ճանապարհով գնալ: «Արտագնա աշխատանքի գնալով չի՞ արտաժույթը պահվել. ամեն տարվա իրենց տրանսվերը միայն Ռուսաստանի 600 միլիոն դոլար ՀՆԱ-ի վրա չի ազդե՞լ, հիմա այդ մարդիկ սոված նստած են, աշխատանք չունեն: Այդ մարդկանց դուք ասում էիք՝ եկեք քվեարկությանը մասնակցեք, որովհետև այդ ժամանակ ձեզ պետք էին, իսկ հիմա այդ մարդիկ սոված նստած են, իրենց գազն ու լույսը անջատում են, դուք փող ունեք դրած ու այդ փողը չեք տալիս»,-ասաց նա: