Փաստերի ճնշման տակ Գավառի հիվանդանոցի վրա 500 մարդու հարձակման մասին լուրը հերքվեց և իշխանությունը բռնվեց հերթական ստի ու խաբեության վրա․ Նարեկ Մալյան

«ՎԵՏՕ» հասարակական շարժման ղեկավար Նարեկ Մալյանը ֆեյսբուքյան իր էջում գրառում է կատարել՝ անդրադառնալով երեկ Գավառում հնչած կրակոցներին ու Գեղարքունիքի մարզպետի տարածած տեղեկությանն առ այն, որ Գավառի հիվանդանոցի վրա հարձակվել են 500 հոգի։

Նա մասնավորապես նշել է, որ իշխանությունը բռնվեց հերթական ստի ու խաբեության վրա։ Գրառումն ամբողջությամբ՝ ստորև․

«Իշխանության հերթական ստախոսությունը տապալվեց:
Երեկ Գեղարքունիքի մարզպետը Հայկական ժամանակին տված իր հարցազրույցում պատմում էր իբր 500 մարդ հարձակվել են Գավառի հիվանդանոցի վրա:

Այս պատմությունը դարձավ համացանցում ծիծաղի ու ծաղրի առարկա: Մարդիկ համեմատում էին, որ օրինակ Շուշին 700 հոգով ազատագրեցին, իսկ Գավառի հիվանդանոցը՝ 500...

Չնայած նրան, որ այս ապուշության հեղինակը պետական պաշտոնյա էր ու իշխանության թիմի անդամ, իսկ ԶԼՄ-ն որով տիրաժավորվեց այդ խաբեությունը պատկանում է ՀՀ վարչապետին, այսօր փաստերի ճնշման տակ լուրը հերքվեց:

Իհարկե, հայտարարվեց, որ մեղավոր են անբարեխիղճ ԶԼՄ-ները, բայց դե մենք հո գիտենք, որ Հայկական ժամանակը բարեխղճորեն կատարում է իշխանության հրահանգները, իսկ մյուս ԶԼՄ-ները ծախված են ու առնված...

Արձանագրենք, որ իշխանությունը բռնվեց հերթական ստի ու խաբեության վրա, իսկ ինչ վերաբերվում է այն փոքրիկ ստին որ իբր ոստիկանապետը հիվանդանոցում չի եղել, ձև տանք որ հավատում ենք... ի վերջո իրավապահ համակարգի պատիվն են ուզում փրկել այդ մանր ստով»։