ՀՀ նոր իշխանությունը, ի դեմս Փաշինյանի, կենսաբանական վիրուսածին լաբորատորիաների գործունեությունից ստանում են մեծ ֆինանսական հատուցում. հայտարարություն

«Սիրելի Հայրենակի՛ց

Այս տեղեկատվական հարթակը ստեղծվել է Հայաստանում գործող՝ ամերիկյան հայտնի գրանտներով վերազինված, Սորոսական քաղաքականությամբ իրականացվող կենսաբանական վիրուսածին լաբորատորիաների գործունեության վտանգների մասին հայ հանրությանը իրազեկելու համար:

Այս լաբորատորիաները, իրենց էությամբ, ոչ միայն առողջապահական լուրջ վտանգ են ներկայացնում մեր երկրի համար, այլև սրանք լուրջ դիվանագիտական խնդիրներ են առաջացնում Հայ-Ռուսական հարաբերություններում, այս մասին 2018 թվականից սկսած պարբերաբար բարձրաձայնում է Ռուսաստանը՝ իր թիվ մեկ դիպլոմատի՝ Սերգեյ Լավրովի շուրթերով:

Ակնհայտ է, որ Հայաստանի նոր իշխանությունները, ի դեմս Նիկոլ Փաշինյանի, շահագրգիռ են այս լաբորատորիաների գործունեությամբ, քանի որ այդտեղից ստանում են մեծ ֆինանսական հատուցում:

Չի կարելի թույլ տալ, որ օրվա անհեռանկար իշխանությունը, իր ֆինանսական մուտքերի ապահովման համար վտանգի մեր հասարակության առողջությունը և մեր ամենահուսալի դաշնակցի՝ Ռուսաստանի հետ հարաբերությունները:

Վերոգրյալը հաշվի առնելով՝ պահանջում ենք ՀՀ իշխանություններից ստորադասել սեփական հարստացման անհագուրդ ցանկությունը և անհապաղ փակել մահաբեր վիրուսների արտադրությամբ զբաղվող ամերիկյան լաբորատորիաները, այդպիսով փրկելով մեր ժողովրդին սպասվող վիրուսային վտանգներից և բարելավել հայ-ռուսական դարավոր բարեկամությունը:

Այս պահանջը արդի է այնքան ժամանակ քանի մեր իշխանությունները չեն գիտակցի խնդրի լրջությունը, մեր պայքարը շարունակվելու է և միգուցե վերաճի փողոցային պայքարի»:

«Ոչ Ամերիկյան Վիրուսածին Լաբորատորիաներին» Ֆեյսբուքյան էջ: