Հորդորում եմ ԱՆ-ին մարդկանց մեջ տագնապը չավելացնել, թողեք հանգիստ ապրեն. Նունե Ներսիսյան

«Պարացելսուս» հասարակական կազմակերպության նախագահ, բժիշկ Նունե Ներսիսյանն անդրադարձել է կորոնավիրուսով վարակի տարածման ու նոր վարակակիրների խնդրին։

«Ապրիլի 28-ի, ժամը 11:00-ի դրությամբ հաստատվել է կորոնավիրուսային հիվանդությամբ ընդհանուր 1867 դեպք, որոնցից 866-ն` առողջացած, 30-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 971 պացիենտ: Ընդհանուր առմամբ, կատարվել է 19296 թեստավորում:

Մահվան դեպքի վերաբերյալ հայտնում ենք, որ պացիենտը եղել է 67 տարեկան և ունեցել է ուղեկցող խրոնիկական հիվանդություններ: Այս մասին ֆեյսբուքյան իր էջում գրառում է կատարել առողջապահության նախարարի մամուլի խոսնակ Ալինա Նիկողոսյանը:

Այս գրառումը կարդալուց հետո ինձ մոտ հարցեր են առաջանում.

1.Ինչ՞ու հենց կորոնավիրուսից ,և ոչ թե այդ ուղեկցվող հիվանդություններից մեկից:

2.Ին՞չ ուղեկցող հիվանդություններ ,ին՞չ ախտորոշում ուներ մահացողը

3.Դիահերձում արվել՞ու է ,թե ոչ

4.Առանց ախտաբանաանատոմիական եզրակացության ինչպե՞ս կարելի է մահվան պատճառ գրել:

Հիմա սիրելի հայրենակիցներ մի հետաքրքիր պատմություն եմ ուզում պատմել, որից հետո ինքներդ զուգահեռներ կանցկացնեք:

20-րդ դարի դարասկիզբը (1918թ. հունվարից մինչև 1920թ դեկտեմբերը) նշանավորվեց մարդկության պատմության մեջ ամենամահացու ինֆլուենցայի պանդեմիայով: Այն ստացավ Իսպանական ֆլու (Spanish Flu) կամ La Grippe անունը: Պատճառն այն չէր, որ համաճարակը սկսվել էր Իսպանիայում կամ ամենից շատ Իսպանիան էր տուժել: Առաջին համաշխարհային պատերազմն էր ընթանում, և հիմնական դերակատար մեծ պետությունները` Գերմանիան, Բրիտանիան, Ֆրանսիան, Ավստրո-Հունգարիան, Ռուսաստանն ու Ճապոնիան, ռազմավարական տեսակետից իրենց երկրներում թաքցնում էին արհավիրքի իրական մասշտաբներն ու կորուստները: Իսպանիան չեզոք էր, և նրա տվյալները հասանելի էին: Հարուցիչն այժմ հայտնի H1N1 գրիպի վիրուսն էր:

Համաճարակն ընդգրկել էր ամբողջ աշխարհը` ներառյալ բոլոր բնակեցված մայրցամաքներն ու կղզիները:Արդյունքում մահացավ մոտ 50 մլն. մարդ:

Հետազոտություններից պարզվում է, որ մարդիկ մահացել են ոչ թե գրիպից, այլ բժիշկների կողմից սխալ դոզավորմամբ նշանակած ասպիրինի քանակությունից: Որին էլ հաջորդում է մեծ ճգնաժամի տարիները:

Հուսամ, որ ընթերցողը ճիշտ կհասկանա այս գրառումը:

Հ.Գ. Հորդորում եմ ԱՆ-ին մարդկանց մեջ տագնապը չավելացնել, թողեք մարդկանց հանգիստ ապրել»: