Աչաջրում ցրցամ տված գործը կավարտի ու կգնա

Տավուշի մարզի Աչաջրի ծննդատան թեման արտակարգ դրության ավարտից հետո կրկին կհայտնվի Առողջապահության նախարար Արսեն Թորոսյանի ուշադրության կենտրոնում:

Թեև ժամանակին ծննդատունը փակելու դեմ ուղղված բողոքի ակցիաներն ու Սահմանադրական դատարանը ցրելու հանրաքվեն ժամանակավորապես դադարեցրին այս ծննդատունը ցրելու հարցը, բայց Թորոսյանի համար սահմանամերձ գյուղի ծննդատան փակումը գերնպատակ է, որը պերք է կյանքի կոչել ամեն գնով:

Մեզ հասած տեղեկություններով, կորոնավիրուսի համավարակով պայմանավորված արտակարգ դրությունից հետո, Թորոսյանը կփակի ծննդատունն ու կհեռանա:

Մեր աղբյուրի փոխանցմամբ Թորոսյանը ճամպրուկներն արդեն հավաքել է, որովհետև կառավարությունը լքող Տիգրան Ավինյանին պարտավոր է ընկերակցել: Ու եթե գնալու է, Թորոսյանը որորշել է կիսատ թողած գործը ավարտել:

Թե ինչ հետևանքներ կունենա սահմանամերձ գյուղի միակ ծննդատան փակումն ու ով կշահի դրանից, պարզ է, սակայն ուզում ենք Թորոսյանին հիշեցնել, որ Աչաջրին կպնելու փորձ անելու ևս մեկ փորձը կարղ է իր համար փորձանք դառնալ, այնպես որ ձեռքերը թող հեռու պահի այս ծննդատնից ու հեռանա` մեկ վատություն պակաս անելով:

Հ.Գ. Թեև նախարարն ու ամբողջ նախարարությունը ջանք ու եռանդ չէին խնայում Աչաջրի ծննդատունը փակելու համար, բայց հենց այդ նույն ժամանակ սահմանամերձ գյուղում նոր կյանքեր էին ծնվում, ի հեճուկս այն պնդումների, թե այս ծննդատանը նոր կյանքեր վստահել պետք չէ, քանի որ ոչ մասնագետ ունեն, ոչ էլ սարքավորումներ:

NewsPress.am