Հանրաքվեն հետաձգվում է, սեփականությունը՝ վերաբաշխվում․ իշխանությունը «դուխով» տանում է քաղաքացիական բախումների

Վարչապետ Նիկոլ Փաշինյանի համար կորոնավիրուսը դարձել է շատ լավ առիթ ապօրինի հանրաքվեն անընդհատ հետաձգելու համար։ Տպավորություն է, որ մեր երկրում որևէ այլ բան չէր կարող նպաստել, որ իշխանությունը գնա իր նախաձեռնած խայտառակ հանրաքվեն բոլոր հնարավոր և անհնար միջոցներով հետաձգելու ճանապարհով, եթե չլիներ կորոնավիրուսը։

Արտակարգ դրության երկրորդ ժամկետը մայիսի 14-ին կավարտվի, և այդ դեպքում երեք օր անց հանրապետության նախագահը պետք է նշանակի հանրաքվեի օր։ Տնտեսական այս ծանր պայմաններում և իշխանության համատարած տապալումների ֆոնին 650 հազար ԱՅՈ ստանալը հիմա ռիսկի տակ է դրված։

Հիմա Նիկոլ Փաշինյանն այսօր կրկին գործի քցեց ֆեյսբուքյան ուղիղ եթերն ու հայտարարեց, որ հնարավոր է պետությունը արդեն երրորդ անգամ գնա արտակագ դրության երկարաձգման։ Դա նշանակում է գնալ սահմանափակումների տնտեսության տարբեր ճյուղերում, փակ պահել հանրային տրանսպորտը։

Պարետատան անաշխատունակության պատճառով երկրում ստեղծվել է մի անվերահսկելի իրավիճակ, քաղաքացիները նստած են տանը, պետությունը իր այս որոշումներով նրանց պատճառում է տնտեսական վնաս, տնտեսվարողները կրում են միլիոնավոր դրամների կորուստներ՝ դրա դիմաց ստանալով կոպեկների աջակցություն։

Եթե արտակարգ դրույթան հայտարարման սկզբից Նիկոլ Փաշինյանը հայտարարեց, որ կարող ենք կոմունալ վճարներ չվճարել ու մեր լույսն ու գազը չեն անաջատի, ապա ամսվա կեսից հետո ինքն իրեն հերքեց, որ եթե չվճարենք, համակարգերը կփլուզվեն։ Հիմա Փաշինյանը հերթական անգամ տարածում է խուճապ՝ ասում է, եթե քաղաքացիները չպահպանեն սոցիալական հեռավորություն, չախտահանեն ձեռքները, դիմակ չկրեն, կրկին ստիպված են լինելու չաշխատել, բայց կոմունալ վճարումներ անել։

Ուշադրություն դարձրեք, որ սա ասում է մի իշխանության ղեկավար, որի պատգամավորները խորհրդարանում առանց սոցիալական հեռավորության, առանց դիմակի նիստեր են անում, իրար են ծեծում հարյուր հոգով հավաքվելով մի վայրում։ Սա թույլ տվող իշխանությունը հասարակությանը կարծես թե սպառնում է արտակարգ դրություն հայտարարելով, իսկ ինչ է սա, եթե ոչ առիթ՝ փակելու ընդդիդմության խոսքը, լրատվամիջոցների աշխատանքը և որ ամենակարևորն է՝ իր համար հետաձգել հանրաքվեն։

Այս արտակարգ դրությունը Նիկոլ Փաշինյանին պետք է, որ նրա համար, որ օրինակ Կենտրոնական բանկի դիմաց բողոքի ակցիա անողին բերման ենթարկեն այն դեպքում, երբ ժամանակին Նիկոլն ու իր թիմը Հանրային ռադիոյի դուռը ջարդեցին ու որևէ մեկը նրանց բերման չենթարկեց։

Երկրում ստեղծվել է մի տեսակ քաոս, որովհետև տնտեսական սոցիալական կյանքում մի կողմից սոցիալական խնդիրները խեղդում են քաղաքացուն, մյուս կողմից պետությունը աջակցություն է տալիս տնտեսվարողներին խիստ կամընտրական սկզբունքով և դրանք հասանելի են դառնում հարյուրից 10-ին, մյուս կողմից քաղաքական կյանում օր օրի ավելալանում է լարվածությունը, որը կարող է բերել արդեն անդառնալի հետևանքների՝ հենց իշխանության համար։

Կամ Նիկոլ Փաշինյանը ստեղծված իրավիճակում պետք է ինքնակամ հեռանա՝ իր կործանարար քաղաքականությունից ազատելով այն ժողովրդին, որն իրեն բերեց իշխանության, կամ մենք կարող ենք երկրում ունենալ քաղաքացիական լուրջ բախումների, ինչի համար հող է նախապատաստում «Ապօրինի գույքի բռնագանձնման մասին օրենքը», որի շրջանակում երկրում կսկսվի սեփականության վերաբաշխում։