Հարկատուներիս հաշվին ԱԺ-ն ավելացնում է իր հաստիքացուցակը

Թավշյա հեղափոխականները, որոնք իշխանության եկան հարկատուի վճարած ամեն մի լումայի համար պատասխանատվություն կրելու սուրբ խոստմամբ, հիմա պարզվում է՝ ոչ միայն չեն ցանկանում աշխատել, ենթադրենք 500 հազար դրամ աշխատավարձով, այլ իրենց պարտավորությունների կատարման համար ցանկանում են հավելյալ մարդիկ ներգրավել պետական ապարատ։

Քայլարածների իշխանությունը որոշել է, որ Ազգային ժողովի հանձնաժողովներում հաստիքների պակաս կա, դրա համար մենք՝ հարկատուներս, պետք է ավելի շատ վճարեք, որպեսզի այդ հաստիքներն ավելանան: Մինչդեռ բոլորս հիշում ենք վարչապետ Նիկոլ Փաշինյանի այն երդումը, թե իշխանության գալուց հետո ուռճացված պետական ապարատից ազատվելու է և համակարգում ձրիակերներ էլ չենք ունենալու։

Երեկ խորհրադարանը քննարկում էր մի օրենսդրական նախագիծ, որով առաջարկվում է խորհրդարանում գործող բոլոր հանձնաժողովներում ավելացնել մեկակական հաստիք, ներգավել խորհրդական, որը կվարձատրվի պատգամավորների ստացած աշխատավարձի ուղիղ կեսի չափով՝ մոտավորապես 350 հազար դրամ։

Նախագծի հիմնական զեկուցող Մխիթար Հայապետյանը ջանք ու եռանդ չէր խնայում բացատրեու համար, որ նոր հաստիքով հանձնաժողովների ավելացումը դրանց աշխատանքը կդարձնի ավելի արդյունավետ ու առանց վարանելու նաև ասաց, որ ինքը դժգոհ է ԱԺ բոլոր հանձնաժողովների աշխատանքից։

Տարիների շարունակ այդ հանձնաժողովները աշխատել են նույն հաստիքացուցակով և խորհրդարանական դիվանագիտությունը լավագույն արդյունքներ է ցուցաբերել հատկապես արտաքին քաղաքականության հարցում, հետևաբար, եթե այդ նույն հատիքացանկով արդյունավետ կարողանում էր աշխատել նախկին իշխանությունն ու կռիվ տալ արտաքին աշխարհում, հարց է առաջնում, թե ինչն է խանգարում քայլարած իշխանության որակյալ աշխատանքին. արդյոք այդ մեկական հաստիքով հանձնաժողովների կազմը համալրելը օրինակ նոր որակ է հաղորդելու խորհրդարանում իրենց անբովանդակ աշխատանքին։

Քաղաքական մեծամասնության օրենսդրական աշխատանքի մասին շատ խոսել պետք չէ, բավական է նայել, թե ինչ հարցեր են պատգամավորները բարձրաձայնում երկրի համար ճգնաժամ համարվող այս իրավիճակում. դրանից լավ ցուցիչ՝ նրանց աշխատանքի որակը գնահատելու համար, դեռ չկա, ուստի Ազգային ժողովի հանձնաժողովները ևս մեկական հաստիքով ծանրաբեռնելը ոչ թե ավելացնելու է քաղաքական իշխանության որակը, այլ դառնալու է լրացուցիչ բեռ՝ հարկատուների համար։

Խորհրդարանում գոյություն ունի 16 մշտական հանձնաժողով, և ըստ այս օրենքի, 16 նոր խորհրդական կհայտնվի Աժ-ում, իսկ շատ պարզ հաշվարկ կարելի է անել ու պարզել,թե տարեկան բյուջեից որքան միլիոն է պետք վճարել քայալարծների չարածների հետևանքները մեղելու համար։

Արդյունքում ստացվում է, որ երկիրը ճկռում է տնտեսական դժվարությունների տակ, իսկ կառավարությունը, մեկը մեկին հերթ չտալով, վարկեր է վերցնում՝ բյուջեի փողերը մսխելով ոչ միայն պարգևավճարների, այլև ուռճացված հաստիքացուցակների վրա։

NEWSPRESS.am