Հրայր Թովմասյանը տևական ժամանակ է՝ հրաժարվել է ստանալ պարգևավճարներ. Ղազարյան

Յուրաքանչյուրը պետք է կոռեկտ գտնվի առհասարակ բարձր դատարանի և դատավորների հասցեին որևէ տեսակետ արտայատելիս։ Այս մասին լրագրողների հետ ճեպազրույցում ասաց Սահմանադրական դատարանի աշխատակազմի ղեկավար Էդգար Ղազարյանը:

ԱԺ-ում ընթանում է Պետական-իրավական հարցերի և Ֆինանսավարկային և բյուջետային հարցերի մշտական հանձնաժողովների համատեղ նիստում ԱԺ «Իմ քայլը» խմբակցության պատգամավոր Արուսյակ Ջուլհակյանը՝ դիմելով Էդգար Ղազարյանին «ՍԴ ընդհանուր աշխատավարձային, հետաքրքրվեց, թե պարգևավճարային և հավելավճարային ֆոնդը ինչքա՞ն է կազմում:

Պատասխանելով պատագամավորի հարցին՝ Ղազարյանը նշեց, որ ՍԴ դատավորների աշխատավարձի չափը սահմանված է օրենքով։

«Օրենքով սահմանված է նաև նրանցից յուրաքանչյուրի հավելավճարի չափը։ Պայմանավորված դատավորի աշխատանքային ստաժով՝ հավելավճարի չափը տարբեր է։ Այսինքն՝ տարբեր դատավորներ տարբեր հավելավճարներ են ստանում, և ես չեմ ուզում կոնկրետ անձերի վերաբերյալ տեղեկություն հրապարակել։ Ինչ վերաբերում է պարգևավճարներին, ապա դա ինչպես այլ պետական մարմինների պարագայում, այնպես էլ մեզ մոտ նախատեսված է աշխատավարձի ֆոնդի 30%-ի չափով, իսկ մենք փաստացի վճարել ենք այդ ֆոնդի 28.6%-ի չափով»,- ներկայացրեց Ղազարյանը։

Նա շեշտեց, որ պարգևավճարների հատկացումն արվում է ՍԴ նախագահի կարգադրությամբ, քանի որ առանձին դեպքերում դրա շահառուներ են հանդիսանում ՍԴ դատավորները։ Ըստ նրա, առանձին դեպքերում այլ որոշումներ էլ են լինում, օրինակ՝ ՍԴ նախագահը տևական ժամանակ է՝ հրաժարվել է ստանալ պարգևավճարներ և իր կարգադրության մեջ իրեն բացառություն է անում։