Հակադատախազը

Հայաստանի հանրապետության Գլխավոր դատախազ Արթուր Դավթյանն այսօր ցույց տվեց, թե ինչպիսին չպետք է լինի առհասարակ աշխարհի ցանկացած երկրի գլխավոր դատախազ։

Արթուր Դավթյանն իրական մարմնացումն է հակադատախազի, հակաբարոյականի, հակապաշտոնյայի, հակամարդու և վերջապես հակատղամարդու։

Չի կարող մարդկային և տղամարդկային որակների արտահայտում լինել նախկինում արածներից ու ասածերից այդքան հեշտությամբ հրաժարվող, ասածներին հավատարիմ չմնալու ունակությունների առկայությունը։

Այն գլխավոր դատախազը, որը շատ կարճ ժամանակ առաջ Նիկոլ Փաշինյանին պատգամավոական անձեռնմխելիությունից զրկելու համար միջնորդություն էր բերել Ազգային ժողով ու դրանից ոնց բերել, այնպես էլ հրաժարվել էր փոխվարչապետի կողմից ստացած մեկ զանգով, այսօր նույն տրյուկն արեց արդեն մեկ այլ պատգամավորի նկատմամբ։

Նախկին իշխանությանը ժամանակին խանգարում էր Նիկոլ Փաշինանը, հիմա իրադրությունը նույնն է՝ անձերն են փոխվել՝ խանգարողն էլ Գագիկ Ծառուկյանն է։ Այսօր Ազգային ժողովում այդպես էլ Արթուր Դավթյանը չկարողացավ բերել մեկ հիմնավոր պատճառ, թե ինչու Գագիկ Ծառուկյանին կալանավորելու միջնորդությամբ խորհրդարանում հայտնվեց այսօր և ոչ թե փետրվարին։

Արթուր Դավթյանն անկարող էր պատասխանել հարցին, իսկ եթե հիմա էլ իրեն փոխվարչապետ զանգի, արդյոք նույն ջանասիրությամբ Գագիկ Ծառուկյանին կալանավորելու միջնորդությունը հետ կվերցնի, ինչպես Փաշինյանի դեպքում արեց։ Այն գլխավոր դատախազը, որը հայտարարում է, որ միջնորդություն է ներկայացնում ու հետ վերցնում քաղաքական որոշմամբ, իսկ քաղաքական որոշում է փոխվարչապետի զանգը, չի կարող իրավական պետության պաշտոնյա լինել։

Ինքնախոստովանությամբ զբաղված Արթուր Դավթյանն այսօր իր մասնագիտական մահկանացուն կնքեց ու ապացուցեց, որ այսօր ինքն իշխանության ձեռքին գործիք է ՝ ընդդիմադիներին լիկվիդացնելու, դաշտից հանելու համար, ինչն էլ անում է։ Արթուր Դավթյանը մարմնացումն է ոչ իրավական պետության, որտեղ օրենքին հակադրվում է սպառնալիքը, իրավունքին՝ ուժային կառույցների ճնշումը։

Արթուր Դավթյանը մարմնացումն է այն բանի, որ մենք ապրում ենք ոստիկանապետությունում, որտեղ գործում են կոնկրետ հրահանգներ մեկ անձի կողմից, որտեղ ջախջախվում է ցանկացած ընդդիմախոսություն՝ դարձյալ այդ նույն մեկ անձի հրամանով։ 2018 թվականից մինչև 2020 թվականը. ընդամենը երկու տարի պահանջվեց թավշյա Հայաստանից բռնապետականի վերածվելու համար, որտեղ մարկային ամենակարևոր արժանիքը կա և մնում է գործ տալու կարողությունը։

NewsPress.am