Կմարսի՞ այս սուտը

Նիկոլ Փաշինյանն այսօր նամակ է գրել ռուսաց թագավորին ու տեղեկացրել, որ Հայրենական Մեծ պատերազմի 75 ամյակին նվիրված շքերթին հունիսի 24-ին ներկա չի լինի;

Իր բացակայությունը Նիկոլ Փաշինյանը պայմանավորել է համավարակով, ասել է, որ դրա հաղթահարումից հետո ուրախ կլինի ռուսաց թագավորի հետ հանդիպման համար;

Եթե Նիկոլ Փաշինյանը հրաժարվեր գնալ Ռուսաստան կորոնավիրուսի համավարկից երկիրը պաշտպանելու համար ու այդ մասին ասեր ապրիլին կամ մարտին, ապա հասկանալի կլիներ, որ վարչապետի մոտ կա ընդգծված գիտակցություն համավարակի ժամանակ մեկ ժամով անգամ երկիրն անտեր չթողնել, բայց քանի որ Նիկոլ Փաշինյանը հունիսի 9-ին համաձայնություն է տվել մասնակցել այդ շքերթին, իսկ հունիսի 19 հրաժարվել տված խոստումից, ապա այստեղ քան պատճառները փնտրել, այլ բան չի մնում:

Կամ Փաշինյանին ասել են մի արի, քանի որ ՌԴ նախագահ Վլադիմիր Պուտինը չունի ցանկություն քեզ հետ շփվելու, կամ Փաշինյանին Ռուսաստան չգնալու հրահանգ տրվել են արևմուտքից;

Չգնալու կոչը որտեղից էլ հնչած լինի, մեկ է, այն ցույց է տալիս մեր ռազմավարական դաշնակցի հետ մեր ունեցած հարաբերությունների որակը, ապացուցում, որ արտաքին քաղաքականության մեջ բացի լոլոներից որևէ այլ բան չկա:

Բայց կա նաև մեկ այլ պատճառ՝ չհավատալու փաշինյանական լալահառաչ հաղորդագրությանը;

Հունիսի 9-ին, երբ Փաշինյանը հայտարարեց, որ մասնակցելու է շքերթին, Հայաստանում վարակի տարածման տեմպը նվազելու միտում էր ցուցաբերում, հետևաբար անհասկանալի է, թե ինչու է վարակով պայմանավորված վարչապետը չեղարկել իր այցը Մոսկվա:

Իսկ գուցե Փաշինյանի այցի չեղարկման պատճառն այն է, որ նա ընդհանրապես վարակված չի էլ եղել կորոնավիրուսով և եթե ՌԴ մուտք գործելիս անցներ թեստ, ինչը պարտադիր անցնելու են այդ երկրի սահմանը հատած բոլոր հրավիրյալները, ապա կպարզվի, որ իր ու իր ընտանիքի վարակվելու մասին լուրը սուտ էր, նպատակ ուներ խղճահարություն առաջացնել հանրության շրջանում, ինչը, ինչպես ցույց տվեց ժամանակը, իր նպատակին չհասավ;

Ու հիմա ստացվում է էժանագին ստի տակից դուրս գալու համար առանց այն էլ օր օրի անկում ապրող հայ-ռուսական հարաբերություներին հասցվում է ևս մեկ ուժգին հարված՝ սեփական անբողվանդակ ամբիցիաների բավարարման քողի տակ:

Կմարսի՞ Փաշինյանն այս սուտը ու ինչ այն կարժենա մեզ համար, ցույց կտա ժամանակը:

NewsPress.am