Նախարարներիդ գցել ես փողոց, որ թիթեռ նկարե՞ն

Կորոնավիրուսի հետևանքով ամբողջ աշխարհում և Հայաստանում տնտեսական կյանքը կանգ է առել ու գտնվում է ծանր վիճակում։

Ամեն օր մեր երկրում փակվում են աշխատատեղեր, սննկանում բիզնեսներ, գործարարները ճկռում են վարկայինն պարտավորությունների տակ։ Նման իրավիճակում կառավարության անդամներն անգամ քիթ սրբելու ժամանակ չպետք է ունենային երկիրն այս աղետալի վիճակից դուրս բերելու համար, երբ երկիը ներդրողների համար հետաքրքիր դարձնելու ու այլ լուծումներ գտնելու համար։

Հայաստանը մոռացել է ներդրումների մասին, մոռացել նոր ստեղծվող աշխատատեղերի գրավչության մասին, մոռացել աշխարհի տեմպի հետևից հասնելու մասին և ի վեջո մենք մոռացել ենք այդքան թափահարված տնտեսական հեղափոխության մասին։

Մենք կանգնել ենք մեր պետականությունը չկորցնելու և փլատակների չվերածվելու խնդրի առաջ, իսկ ինչ են այս կրիտիկական պահերին անում կառավարության անդամները՝ ոչինչ՝ թիթեռ են նկարում․․․

Տարածքային կառավարման և ենթակառուցվածքների նախարար Սուրեն Պապիկյանը թիթեռ է նկարում և ոստիկանին հրահանգում է տուգանել քաղաքացիներին:

Նա դիմակներ է բաժանում Երևանի վարչական շրջաններից մեկում։ ԿԳՄՍ նախարար Արայիկ Հարությունյանը թիթեռ է նկարում Մալաթիա Սեբաստիա վարչական շրջանում՝ գործ անելու փոխարեն։ Ֆինանսների փոխնախարար Արմեն Հայրապետյանը թիթեռ է նկարում Նոր-Նորք վարչական շրջանում։

Բարձր տեխնոլոգիական արդյունաբերության նախարար Հակոբ Արշակյանը և Կառավարության աշխատակազմի ղեկավար Էդուարդ Աղաջանյանը ևս դիմակներ են բաժանում փողոցներում։

Այսօր դիմակներ են բաժանել բոլոր նախարարները՝ աշխատանքային ժամին ևս զբաղված են թիթեռ նկարելով։

Ու չնայած այս ու մյուս բոլոր նախարարները զբաղված են թիթեռ նկարելով, բայց դա նրանց չի խանգարում տարվա կտրվածքով ստանալ միլիոնավոր դրամների աշխատավարձ ու պարգևավճար; Ստացվում է նախարարները կարոտել են փողոցը, այն ձգում է իրենց, անցել են իրենց սիրելի զբաղմունքին, պարզապես մի տարբերությամբ՝ եթե հեղափոխությունից առաջ նրանք փողոց ընկնելու համար մեզանից աշխատավարձ չեն ստանում՝ հիմա ստանում են։

NewsPress.am