«Կառավարությունն ա մեղավոր․ «Լիդիանի» նոր պահնորդները լարվածություն են ստեղծում». բախում՝ Ամուլսարում (տեսանյութ)

Երեկ, հունիսի 30-ին հայտարարվել էր, որ «Լիդիանը» փոխել է անվտանգության ծառայությանը: Ոստիկանության աշխատակիցները երեկ մեքենաներով մուտք են գործել տարած՝ նույնիսկ մեքենաների տակ գցելով շներին:

Ամուլսարի պահապանների պահանջում էին՝ «զորքով ներսում չլինեն, «Լիդիանի» մեքենաներից էլ չլինեն, իրենց նպատակը գույքի պահպանությունն է, թող իրականացնեն»։ Ու թեև Երեկ հայտարարվեց, որ քաղաքացիների պահանջները բավարարվել էին, սակայն այսօր բախում տեղի ունեցավ կողմերի միջև:

 Հայկական բնապահպանական ճակատ քաղաքացիական նախաձեռնության հայտարարություն է տարածել, որտեղ մասնավորապես ասվում է.

««Լիդիանի» նոր պահնորդական կազմակերպությունը լարվածություն է ստեղծում Ամուլսարում։ Նախորդ օրը նրանք զինված ներխուժել էին պահպանության կետ, ճզմել սպանել Ամուլսարի պահապանների խնամած շների ձագերին, զենքով հրապարակային հոխորտացել։ Այսօր իրավիճակը շարունակում է լարված մնալ, որովհետև նախորդ օրվա ձեռք բերած պայմանավորվածությունները, կարծես, չեն պահպանվում։ Ամուլսարի պահպանության պայքարը խաղաղ, ոչ բռնի անհնազանդություն է, իսկ ահա Լիդիանի վարձած կազմակերպությունը հստակորեն սադրանքի է գնում։

Ի դեպ, Լիդիանը չի հայտնում նոր պահնորդական կազմակերպության անունը, ընկերության մեքենաների վրա նույնպես բացակայում են անվան տարբերանշանները. Ջերմուկում շրջանառվող տեղեկությունների համաձայն ընկերության անունը «Հատուկ անվտանգության ծառայություն» է:

Լիդիան Ինթերնեշընըլը լուծարվել կամ վերակազմակերպվել ու անցել է իր պարտատերերերից երեք ներդրումային ֆոնդերի՝ Orion Resource Partners-ի, Osisko Mining-ի and Resource Capital Fund-ի տիրապետմանը, Լիդիանի բոլոր սեփականատերերը պատասխանատու են ստեղված իրավիճակի համար»,- նշում են Հայկական բնապահպանական ճակատ քաղաքացիական նախաձեռնությունից։

Նշենք, որ Ամուլսարի հանքի շահագործման դեմ պայքարող քաղաքացիները՝ Ամուլսարի պահպանները, առավոտից պահանջում են, որ տարածք բերված պահնորդական խմբի անդամների մի մասը հավաքեն իրենց իրերն ու լքեն տարածքը։ Քաղաքացիների ու պահնորդական խմբի ղեկավարի միջև բանակցությունները էին ընթանում։ Տարածքում հավաքվել են նաև ոստիկաններ։ Նրանց և քաղաքացիների միջև բախումներ եղան։ Այնտեղ է նաև ոստիկանության մարզային վարչության պետը։