Եղեգնուտում այս պահին ֆորս մաժորային իրավիճակ է. 200 ոստիկան փակել են համայնքի գլխավոր ճանապարհը (տեսանյութեր)

Այս պահին 200 ոստիկան փակել են Եղեգնուտ համայնքը։ Բնակիչները NEWSPRESS.am-ի հետ զրույցում պատմեցին, որ գիշերվա ժամը 3։00֊ից, մոտ 200 հոգուց բաղկացած ոստիկանական խումբը, փակել է Եղեգնուտ համայնքի գլխավոր ճանապարհը և համայնքապետարանի չորս կողմը։

Ոստիկանները հանել են նաև գյուղացիների մեքենաները` համայնքապետարանի բակից։

Հիշեցնենք, որ եղեգնուտցիներն իրենց մեքենաներով փակել էին համայնքապետարանի մուտքը` ի նշան բողոքի։ Նրանք դեմ էին, որ մի հեղափոխությունը գյուղապետի պաշտոնն զբաղեցրած հանրապետական գյուղապետը վերադառնա։ Նրանք թույլ չէին տալիս, որ ոստիկանները մտնեն շենք և վերցնեն գործող գյուղապետ կնիքը։

Այժմ համայնքի բնակիչները դաշտեր գնալու և աշխատելու փոխարեն` եկել են համայնքապետարանի մոտ։

«Ուզում ենք հասկանալ, թե ինչու այս օրհասական պահին, էսքան ոստիկաններ, սահմանը թողած` գիշերով եկել գաղտագողի մտել ու մեր մեքենաները հանել են»,-ասաց գյուղացիներից մեկը։

Մյուսն էլ դիմելով մարզպետին կոչ արեց ավելի կարևոր գործերով զբաղվել, քան այս անօրինոիթյունն է` քրեական գործերով գյուղապետի վերադարձը. «Հարգելի մարզպետ, եթե մտածում եք ժողովրդի մասին, ապա գնացեք սահման, ոչ թե գիշերը մտել Եղեգնուտ և խառնաշփոթ ստեղծեք»:

 Նկատենք, որ ակցիային է միացել նաև «Հանուն ժողովրդի բարեկեցություն» ՀԿ֊ն, որը հանդես է եկել կոչով.

«Հարգելի լրատվամիջոցներ

Ես` «Հանուն ժողովրդի բարեկեցություն» հկ նախագահ Այսեր Իսայանս, շտապում եմ տեղեկացնել, որ Եղեգնուտ համայնքում այս պահին ֆորս մաժորային իրավիճակ է: Ոստիկանությունը ողջ գիշեր աշխատել է գաղտնի և մինչև լուսադեմ ժողովրդի կողմից դրված մեքենաներով բլոկադան տարհանել է տարածքից: Այս պահին նրանք իրենց գործողություններով ժողովրդին տանում են բախման: Եղեգնուտում վիճակը ահավոր լարված է: Ես էլ շտապում եմ Եղեգնուտ:

Կոչ եմ անում բոլոր լրատվամիջոցներին գալ Եղեգնուտ համայնք որպեսզի տեղում ծանոթանան և իրավիճակը ներկայացնեն ողջ ճշմարտությամ »:
Կանխավ շնորհակալություն

Հարգանքներով Այսեր Իսայան