Հայկ Մարությանի խոսնակը՝ սփյուռքահայերին իր գռաման մեջ անվանել է «գոմիկըստանների լագեռների պորտաբույծ տխմարամիտներ»

Երևանի քաղաքապետի մամուլի խոսնակ Հակոբ Կարապետյանը սփյուռքահայերին վիրավորող գրառում է արել և անմիջապես ջնջել՝ ներողություն խնդրելով հայերից։

Նա նաև արդարացել է, թե իբր ընկերների համար էր արել այդ գրառումը․․․

Հակոբ Կարապետյանն իհարկե նաև շատ էր «նեղվել», որ սեփական կարծիք արտահայտելու համար՝ քննադատությունների տեղատարափ է լինում։

Այստեղ մի մեծ «պաուզա»․․․

Նախ Հակոբ Կարապետյանին ընկերաբար հիշեցնեք, որ արդեն 2 տարի այլակարծությունը քարկոծվում ու լռեցվում է Հայաստանի մեջ, քանի որ իշխանությունների հնչեցրած տեսակետներին ու կարծիքիներին, անկախ այ բանից դրանք ճիշտ են, թե սխալ, ոչ ոք հակադարձելու իրավունք չունի։

Հակադարձեցիր՝ անմիջապես կոնկրետ մարդկանց կողմից տրվում է «ֆաս» հրամանը։ Սա իմիջայլոց՝ նախկին լրագրող, այժմ իշխանության խոսքը ներկայացնող Կարապետյանին ի գիտություն (եթե իհարկե տեղյակ չէր)․․․

Նաև հարկ է նկատել, որ Հակոբ Կարապետյանը, որպես պետական կառույց ներկայացնող անձ, պետք է կարողանար զսպել իր էմոցիաներն ու նման վիրավորական «ուղերձով» չպետք է դիմեր սփյուռքին։ Ի վերջո հենց այդ սփյուռքն էր, որ կանգնած էր քայլարածների կողքին։ Հենց այդ սփյուռքն էր, որն օգնեց իրենց գալ իշխանության։

Մյուս կողմից էլ այս գրառումը հիշեցրեց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի հետ տեղի ունեցած միջադեպը։

Ի՞նչ էր արել Զոհրաբյանը․ Հակոբի բացասական էմոցիաներով նկարագրած սփյուռքում ապրող մի կին վիրավորել էր Զոհրաբյանին։ Ֆրանսիայում ապրող այդ կինը Զոհրաբյանին ասել էր, թե իբր հենց Զոհրաբյանն է նաև մեղավոր, որ ինքն ու իր աղջիկը մի կտոր «լափի համար հասել են Ֆրանսիա» ու ապրում են այնտեղ։ Զոհրաբյանի  պատասխանն ու պարզաբանումը, սակայն, ոչ ոք այլևս չլսեց։

Նույնիսկ մի պահ տպավորություն էր, որ սփյուռքից հատուկ սադրել էին Զոհրաբյանին, որպեսզի հետո նրան կտտանքների ենթարկեն և հրապարակավ վիրավորեն։

Զոհրաբյանն ինքը,  ներղություն խնդրեց սփյուռքից, որ այնտեղ իրեն սխալ են հասկացել։ Ներողություն խնդրեց այնպես, ինչպես Հակոբ Կարապետյանն էր այսօր խնդրում ու բացատրում։ Ու թեև, անկեղծ ասաց, Նաիրա Զոհրաբյանի ներողությունն ավելի համոզիչ էր, սակայն միևնույնն է՝ «ֆաս» հրահանգը տրված էր և հետնահանջ չկար՝ պետք է վիրավորեին, վարկաբեկեին ու հեղինակազրկեին մինչև վերջին շունչը․․․

Նույնիսկ վերջերս էլ դեռ չէին հանգստանում սփյուռքի կրքերը․․․ նրանք ուզում են իրենց կրքերին հագուրտ տալ՝ Զոհրաբյանին մանդատից զրկելով։ 

Ահա այսպիսին է պատկերը ընդդիմադիր դաշտի ներկայացուցչի հանդեպ։ Իսկ ի՞նչպես կվարվի սփյուռքը, երբ իրենց՝ «սպիտակների» ներկայացուցիչը, ի վերջո իրենց իսկ կոտրած ձեռքով ընտրված իշխանության ներկայացուցիչը, այսօր սփյուռքահայերին անվանում է «գոմիկըստանների լագեռների պորտաբույծ տխմամարամիտներ»․․․ կների՞, թե՞ կհայհոյի, կվարկաբեկի՞, թե «ֆաս» հրահանգը յուրայինների դեպքում չի գործի․․.

Հիշեցման կարգով նկատեք նաև, որ եթե Նաիրա Զոհրաբյանը արձագանքել էր իրեն անձնապես վիրավորանք հասցնողին ու պատասխանել էր իրեն վիրավորողի խոսքերով, ապա Հակոբ Կարապետյանը հայ համայնքին տխմարամիտ էր անվանել թուրքին՝ մեր թշնամուն, ծեծելու համար։ 

Իհարկե չենք քննարկում, որ իրապես օտարության մեջ հակառակորդ երկրենրի ներկայացուցիչների խմբակային հարձակումները ոչ մի լավ բանի չեն տանի, սակայն ասելուն ձև կա․․․

Այս երևույթը վատ ու բացասական որակելու համար կարիք չկար սփյուռքահայերին անվանել «գոմիկըստանների լագեռների պորտաբույծ տխմամարամիտներ»․․․

Այնպես որ, եթե սփյուռքը չարձագանքեց Կարապետյանի այս գրառմանը ինչպես հարկն է, ապա երկուսից մեկը՝ կամ նոր ու ավելի մեծ ճեղք է բացվում «սպիտակների» ու «սևերի» միջև, կամ ստացվում է, որ Հակոբ Կարապետյանը ճիշտ է․․․

 NEWSPRESS.am