Էպիկրիզը ցույց է տվել, բայց ոստիկանն ասել է` դա ինձ չի հետաքրքրում, պետք է տուգանեմ. քաղաքացու ահազանգը (փաստաթուղթ)

NEWSPRESS.am-ը ահազանգել է ստացել քաղաքացուց այն մասին, որ ոստիկանները նրան տուգանել են` չնայելով փաստաթղթին։

Երիտասարդի մայրը պատմում է, որ միջադեպը եղել է այն ժամանակ, երբ տղան ընդամենը վերջերս է վիրահատական եղել։ Այդ օրը նրա քթի մեջ նույնիսկ տամպոններ են եղել։ Սակայն ոստիկանը մնացել է անդրդվելի և ասել, թե դա իրեն չի հետաքրքրում։

«Էպիկրիզն էլ է ցույց տվել ոստիկանին, բայց ասել է` դա ինձ չի հետաքրքրում, պետք է տուգանք գրեմ»,-պատմում է մեր զրուցակիցը։

Նա նկատում է, որ ոստիկանն իրենց է տվել տուգանքի մասին անհասկանալի բովանդակությամբ որոշումը։  Վարչական ակտը կազմված է ոչ իրավաչափորեն և հստակ չի նշվել այն նորմատիվ պատվիրանի խախտումը որի համար քաղաքացին ենթարկվել է վարչական տուգանքի։ Իսկ դրանից հետո ստացել են նաև ծանուցում։

«Վճարման մասին ծանուցագիրն ստանալուց հետո online բողոքարկել ենք։ Մեզ պատասխան է եկել, թե բողոքարկման համար պետք է դիմենք վարչական դատարան»,- ասում է մեր զրուցակիցն ու նկատում` այնպես են անում, որ քաշքշուկների մեջ չընկնելու համար ստիպված վճարես։

Այժմ նա կրկին ուզում է պատկան մարմինների ուշադրությունը հրավիրել խնդրին և հասկանալ, թե ի՞նչ սկզբունքով է կազմվել տուգանքի ակտը, եթե առկա է հիվանդությության մասին փաստաթուղթը։