Կուսակցություններ ֆինանսավորողները՝ իշխանության թիրախում

Ազգային ժողովի «Իմ քայլը» խմբակցությունը ակտիվորեն աշխատում է բառիս բուն իմաստով իսկական պրոֆեսիոնալ Դանիել Իոաննիսյանի հետ և խորհրդարանի անշանային նստաշրջանի ավարտին պատգամավորների սեղանին կհայտնվի «Կուսակցությունների մասին» օրենքում փոփոխություններ կատարելու մասին նախագիծը։

Այս նախագծով շատ լուրջ փոփոխություններ են արված կուսակցությունների ֆինանսավորման գործող կարգում։ Այս փոփոխություններով իրավաբանական անձինք չեն կարողանալու ֆինանսավորել կուսակցություններ, սահմանափակվելու է ֆիզիկական անձնանց ֆինանսավորման սահմանաչափը, եթե նակինում մեկ անձը կարող էր կուսակցությունը ֆինանսավորել մինչև 10 միլիոն դրամի չափով, ապա հիմա չորս անգամ այդ թիվը նվազեցվում է, որպեսզի ըստ նախագիծը մշակողների կուսակցությունը հարուստ մարդկանցից կախված չլինի, սահմանվում է նաև կուսակցությունների անկանխիկ շրջանառության չափերը, դրանք պետք է լինեն թափանցիկ և առավել շատ ծախսերը պետք է իրականացվեն անկանխիկ։

Այն որ Հայաստանում «Կուսակցությունների մասին» օրենքի փոփոխությունն անհրաժեշտություն է, հայտի է բոլորին, դրա մասին խոսվել է տարիներ շարունակ, բայց ինչ փոփոխություն է արել «Իմ քայլը» և ինչու է շեշտը դրել կուսակցությունների ֆինանսավորման վրա։

Այս իշխանությունն ունի յուրահատուկ քաղաքականություն՝ հաշվելու, հայտարարագելու բոլորի փողերը, բայց մոռանում է մի շատ կարևոր հանգամամնք՝ հաշվում է բոլորինը՝ բացի իրենից։

Հարց է առաջանում, իսկ այդ կանխավարկածով առաջնորդվող մարդիկ որքանով են իրավասու մշակել կուսակցությունների մասին օրենք, եթե նրանց առաջ դրված է հստակ ուղենիշ՝ ֆինանսավորումից զրկել այն կուսակցություններին, որոնք իշխանությանը քննադատում են։

Ակնհայտ է, որ եթե այս փոփոխությունները լինեին մինչև հեղափոխությունը, ապա «Քաղաքացիական պայմանագիր» կուսակցույթւունը ուղղակի կարգելափակվեր,իսկ հիմա, երբ օրենքը չի ունենա հետադարձ ուժ, ակնհայտ է, որ այդ կագրավորումները ուղղվելու են «Բարգավաճ Հայաստան» կուսակցության դեմ և նոր ձևավորվող փոքր կուսակցությունների դեմ՝հիմնակաում ընդդիմադիր։

Ակնհայտ է, որ Փաշինյանը գնում է իր համար ոչ նախընտրելի կուսակցությունները փակելու երազանքի ճանապարհով, թե որքանով դա կհաջողի իրեն՝ ցույց կտա ժամանակը, բայց չի բացառվում, որ այս հարցում ուրբաթը շաբաթից շուտ կարող է գալ։

NEWSPRESS.am