Ատոմակայանի հանելուկի պատասխանը պետք է տան

Տարածքային կառավարման եւ զարգացման նախարար Սուրեն Պապիկյանը Վիեննայում հանդիպել է ՌԴ ՌՈՍԱՏՈՄ պետական կորպորացիայի գլխավոր տնօրենի հետ Ատոմային էներգիայի միջազգային գործակալության 64-րդ համաժողովի շրջանակներում: Հանդիպման ընթացքում քննարկվել են Հայկական ԱԷԿ-ի գործող էներգաբլոկի նախագծային շահագործման ծրագրի ընթացքին վերաբերող հարցեր:

Բոլոր նրանք, ովքեր ակտիվորեն հետեւել են ատոմակակայանի շուրջ ընթացող գործընթացներին, այս լուրը կարդալուց հետո չեն կարող հարց չուղղել Պապիկյանին' գնացել ես ՌՈՍԱՏՈՄ-ի ղեկավարի հետ հանդիպես, որ ինչ ասես:

Պապիկյան Սուրենը պետք է ռուսական կողմին բացատրություն տա, թե ինչու Հայաստանը հրաժարվեց ռուսական 3 տոկոսանոց վարկից եւ նախընտրեց ատոմակայանի էներգաբլոկը վերանորոգել 7 տոկոսանոց թանկ վարկով եւ ինչ է դրանից շահում մեր բյուջեն: Սուրեն Պապիկյանը պետք է նաեւ ռուսական կողմին բացատրի, թե ինչու կառավարության ղեկավարը հայտարարեց, թե մեզ պարտադրում են սարքավորումները գնել մեկ ընկերությունից, դրա համար ենք էժան վարկից հրաժարվում, բայց թանկ վարկով դարձյալ արդեն առանց պարտադրանքի գնում է նույն ընկերությունից եւ ոչ մի փոփխութուն այս հարցում չկա:

Սուրեն Պապիկյանն այսօր պետք է տա այս հանելուկի պատասխանը, հակառակ դեպքում կարող ենք ենթադրել, որ էժան վարկից հրաժարվել ենք ոմանց պարտադրանքով, իսկ գուցե այստեղ կոռուպցիոն սխեմաների եւ փայ մտնելու խնդիր կար, ինչը ռուսական վարկի դեպքում կիրառելի չէր, այնպես որ նախարարն այսօր պետք է տա այս անտրամաբանական քայլերի բացատրությունը:

NewsPress.am