Հայաստանի պետական տնտեսագիտական համալսարանում ժամանակավորապես դադարեցված է ուսումնական գործընթացը

Տնտեսագիտական համալսարանի ուսումնական աշխատանքների գծով պրոռեկտոր Արմեն Գրիգորյանը լրագրողների հետ զրույցում ասաց, որ բաց քննարկման արդյունքում ուսանողությունն ու ՀՊՏՀ կոլեկտիվից ձևավորված կազմկոմիտեն որոշում կկայացանի հետագա քայլերի հետ կապված:

Անդրադառնալով դիտարկմանը, թե ոտնահարվում էուսանողների կրթական իրավունքը՝ Արմեն Գրիգորյանն ասաց. «Երկու տարի առաջ երկու ամիս բոլոր բուհերը չեն աշխատել՝ արդյո՞ք ոտնահարվել են ուսանողի կրթական իրավունքները, թե ոչ: Դա այն պարագայում, որ չաշախելուց հետո ուսանողներից այդ երկու ամսվա վարձը ներառյալ գանձնվել է»:

Նա նաևանդրադարձավ օրերս կառավարության մոտ իրականացրած ակցիային ու կառավարության ներկայացուցչի հետ հանդիպմանը՝ նշելով, որ նույնիսկ այդ հանդիպումն է վիրավորել իրենց:

«Մեզ ընդունել է ուղղակի կառավարության բողոքների վարչության բաժիններից մեկի պատասխանատու աշխատողը, երբ բուհի 350 հոգանոց կոլեկտիվը 100-150 ուսանողի հետ միասին իջնում են կառավարության դիմաց իրենց բողոքն արտահատելու: Իսկ բողոքի էությունն է՝ եկեք օրենքները չխախտենք, գնանք օրենքով: Մենք ոչ մի այլ բան մեր կառավարությանը չենք ասում, այլ ասում ենք՝ եկեք օրենքները, օրենքներով սահմանված ընթացակարգերը չխախտենք»,-ասաց նա՝ հավելելով, որ իրենց ակցիան քաղաքականացված չէ:

Հիշեցնենք, որ Կառավարությունը պաշտոնապես չի նշանակում օրենքով ռեկտոր ընտրված Դիանա Գալոյանին ՀՊՏՀ ռեկտորի պաշտոնում: