Ռուբեն Ռուբինյանից պատասխան կպահանջեն թաքցրած ճշմարտությունը բացահայտելու համար

Ազգային ժողովի «Իմ քայլի» պատգամավոր Ռուբեն Ռուբինյանը Ազատության եթերում բերանից թռցրել է այն, ինչ այս ողջ ընթացքում խնամքով թաքցնում էին քայլարած պատգամավորները։ 

«Որպես քաղաքական ուժ մենք միշտ էլ իմացել ենք, որ «Բարգավաճ Հայաստան»-ը՝ նրանք, քաղաքական առումով լավը չեն»,-ասել է Ռուբինյանը։

Պատգամավորի ասածից պարզ է դառնում, որ այնպես չէ, որ քայլարածները հունիսին իմացան, որ «Բագավաճ Հայաստան» խմբակցությունը փող է բաժանել ընտրություններին՝ ինչպես իրենք են հայտարարում աջ ու ձախ, ստացվում է՝ այդ մասին իմացել են նրանք միշտ և իմանալով հանդերձ իրենց քաղաքական նպատակահարմարությունից ելնելով հուշագիր են ստորագրել այդ վատ քաղաքական ուժի հետ՝ երկրում խորհրդարանական ընտությունների անցկացնելու համար։

Ստացվում է՝ վատը մերժող, նախկին արատավոր բարքերը այպանող Նիկոլ Փաշինյանը գործարքի է գնացել իր թիմի կարծիքով նույն այդ բանրի մեջ թաղված մեկի հետ, հանուն մեկ բանի վարչապետի պաշտոնի, իսկ ինչ է սա, եթե ոչ հարված այն մարդանց, որոնց լալահառաչ ճառերով պահում էր Ազատության հրապարակում և բղավում նոր կերտվող Հայաստանի մասին։

Նիկոլ Փաշինյանը նախապես իմանալով, որ գործ ունի «Կաշառք բաժանած մարդկանց հետ» գնացել և հանգիստ մասնակցել է այդ նույն մարդկանց գործարանի բացմանը, հարսանիքի և մեղադրանքների մասին հիշել միայն այն ժամանակ, երբ ի ուր բոլորի հայտարարվել է, որ Փաշինյանն ու իր թիմն իրենց ապիկարությամբ տապալվել են։
Անխոս, Ռուբեն Ռուբինյանը պետք է պատասխան տա իր այս գլխացավանք բացահայտման համար և սա գուցե նրան չներվի։ Վարչապետ Նիկոլ Փաշինյանը պետք է հրատապ նիստ գումարի և Ռուբեն Ռուբինյանից բացատրություն պահանջի Ազատության եթերում բերանից թռցրած ճշմարտության համար, որը հակադրվում է մեկ քայլ իմքայականի՝ «կարկառուն» քաղաքական գործիչ Ալեն Սիմոնյանի ասածին, իսկ Սիմոնյանը լրագրողներին ասում էր, որ կաշառքի գործի մասին իմացել են ստորագրված հուշագրից հետո միայն և այն ժամանակ փաստորեն Գագկ Ծառուկյանը չէր դիտարկվում որպես ընտրակեղծարար։

Նույն խմբակցության երկու անդամների իրար հակասող այս պատասխանները հեթական անգամ ցույց են տալիս, որ այդ թիմում աջ ձեռքը չգիտի, թե ինչ է անում ձախը և իրենց ելույթներով ու հայտարարոթյունենրով մեկը հերքում է մյուսին։

Բայց եթե խաղաղ ժամանակներում իմքայլականները կարողանում էին անգիր արած կրկնել նախապես իրենց բաժանված տեքստերը, ապա հիմա, երբ ամեն քայլափոխի երեսներին ապտակի նման հարվածում է խնդիրներին լուծումներ տալու անկարողությունը, քաղաքական սնանկությունն ու գաղափարական ոտաբոբիկությունը խուճապի են մատնվում ու ցայտնոտի մեջ հայտնվածի պես բերաններից թռցնում խնամքով պահվող բացահայտ ճշմարտությունները։