Որևէ մեկն ընդդիմադիր Փաշինյանի հանդեպ այս կարգի քաղաքական հալածանք չէր իրականացնում. չէին մտնում անձնական կյանք. Զոհրաբյան

ԱԺ ԲՀԿ խմբակցության պատգամավոր Նաիրա Զոհրաբյանը պնդում է, որ ամեն ինչ անում են իր և ԲՀԿ-ական պատգամավոր Գևորգ Պետրոսյանի նկատմամբ քրեական գործեր հարուցելու համար: 

Երևան քաղաքի ընդհանուր իրավասության դատարանի Կենտրոն նստավայրի դիմաց լրագրողների հետ զրույցում ասաց պատգամավորն ասաց, որ իր հեռախոսը 24 ժամ գաղտնալսվում է: Նրա խոսքով, այն, ինչ ինչ այսօր կատարվում է Գագիկ Ծառուկյանի, ԲՀԿ-ի հանդեպ, միանշանակ քաղաքական հաշվեհարդար է, երկու կարծիք լինել չի կարող: Նաիրա Զոհրաբյանը չի բացառում, որ կհարուցվեն քրեկան գործեր` ընտրությունների ու տարբեր գործերի հետ կապված։

«Չգիտեմ իրենց երևականությունը մինչև ուր կհերիքի, չգիտեմ այդ ինչ մահապարտներ կարող են գտնել, ովքեր իմ, Գևորգ Պետրոսյանի դեմ ցուցմունքներ կտան: Դուք պատկերացո՞ւմ եք՝ ես և ընտրական կեղծիքը, այսինք՝ ինչ-որ մեկին գումար տամ, առաջարկեմ, որ ինձ ընտրե՞ն:

Հասկանո՞ւմ եք իրենց քայլերի աբսուրդը: Բայց ինչպես նշեցի, իրենք որևէ կարմիր գիծ չունեն, կոնկրետ հանձրարարական կա իրավապահների վրա իմ, Պետրոսյանի դեմ գտնել, պեղել մարդիկ, մոնտաժել հեռախոսազրույցներ»,- ասաց Զոհրաբյանը` ` հավելելով, որ հանձնարարականը Նիկոլ Փաշինյանի կողմից է։

ԲՀԿ-ական պատգամավորը նկատում է, որ անգամ ընտանիք են ներխուժում. «Անհարմար եմ զգում փակագծեր բացել, թե մինչև ուր են հասել, մինչև ուր են մտնում, մինչև ուր են պեղում, անձնական բնույթի տեղեկատվություն: Նպատակը լռեցնելն է»:

Նաիրա Զոհրաբյանն իր ընտանիքի անդամներին զգուշացրել է, որ կարող են հրապարակվել իր մասնակցությամբ ամենավատ սյուժեներով մոնտաժված տեսանյութեր։

«Ասել եմ՝ պատրաստ եղեք ամեն ինչի, իմ ընտանիքը, հարազատները պատրաստ են, անգամ կալանավորելուց չեմ վախենում: Հանկարծ մտքներով չանցնի, որ ինչ-ինչ պրեսինգներով ինձ կարող են լռեցնել, հակաօրինական որևէ բան չենք անում:

Ինչպես ժամանակին Նիկոլ Փաշինյանը, որին համարել եմ լավ ընդդիմադիր պատգամավոր, խոսում էր իշխանության ձախողումների, հակաօրինական քայլերի մասին, որևէ մեկն իր հանդեպ գոնե այս կարգի քաղաքական հալածանք չէր իրականացում, չէին մտնում ընտանիք, անձնական կյանք, սրանք, ցավոք սրտի, անցել են բարոյական այդ սահմանը»,-ասաց Զոհրաբյանը:

Նա նշեց, որ չգիտի, թե ինչու է հենց ինքը թիրախում:

«Հաճախ ինձ հարցնում են՝ այդ թերթում աշխատել եք, ինչու եմ լռում: Ինչո՞վ ես կտարբերվեմ իրենից, եթե ես գործեմ իր մեթոդներով: Երբեք ինձ թույլ չեմ տալու խոսել այն ամենի մասին, ինչ գիտեմ: Եթե մարդու համար բարոյականությունը, միասին անցած ճանապարհն առոչինչ է, ես տարբերվում են իրենից, ինձ համար կան տաբուներ, կա անցած ճանապարհ, կա ընտանիք, երեխաներ: Այդ տաբուներն իրենց համար չկան: Հենց դա է լինելու այն կործանման սկիզբը, որի վրա երկու ոտքով ամուր կանգնել են»,- ասաց  Զոհրաբյանը: