Հակառակորդն ունի մոտ 360 զոհ, 600 վիրավոր. այս պահին մարտերը սկսել են թեժանալ. Արծրուն Հովհաննիսյան (Տեսանյութ)

Հակառակորդի բոլոր հարձակողական փորձերը անկախ չափերից, կրել են անհաջողություն: Այս մասին ճեպազրույցի ժամանակ նշեց ՊՆ ներկայացուցիչ Արծրուն Հովհաննիսյանը:  Նա նշեց, որ հայկական ուժերը հետ են շպրտել հակառակորդին՝ պատճառելով որոշակի վնաս: 

Արծրուն Հովհաննիսյանը տեղեկացրեց նաև, որ հակառակորդի զոհերը գնահատվում են 350-360 զինծառայող, վիրավորները մոտ 600, խոցվել է 3 ուղղաթիռ, մոտավորապես 15 միավոր տարբեր տեսակի զրահատեխնիկա՝ տանկեր, ՀՄՄ-ներ եւ այլն, 1 «Սմերչ» կայան եւ 6 ԱԹՍ, որից 2-3-՝ կեսգիշերի սահմաններում: Մարտական գործողությունները շարունակվում են:

«Ավելի շատ կիրառվբում է հրետանի, մեր զինված ուժերը միշտ չէ, որ վարում են միայն պաշտպանական մարտեր»,-ասաց նա և հավելեց. «Նոր ստացա տեղեկություն, որ մարտերը սկսել են թեժանալ»: