Սաստիկ պատերազմ է, կարող են լինել դեպքեր, որ սխալ տեղեկություն հաղորդվի զոհվելու կամ վիրավորվելու վերաբերյալ. Արծրուն Հովհաննիսյան (տեսանյութ)
Առավոտյան հակառակորդը լայնածավալ հարձակում է սկսել հարավային ուղղությամբ, մեր զորքերը համառ մարտեր են մղում՝ հետ շպրտելով հակառակորդին: Միևնույն ժամանակ Ադրբեջանի զինված ուժերն ինտեսիվորեն սկսել են հրթիռակոծել Ստեփանակերտը: Այս մասին այսօր հայկական տեղեկատվական միասնական կենտրոնում ասաց Պաշտպանության նախարարության ներկայացուցիչ Արծրուն Հովհաննիսյանը:
Նա նաև տեղեկացրեց այս պահին տուժածների մասին ճշգրտումներ են կատարվում:
Արծրուն Հովհաննիսյանը նշեց, որ շատ հաճախ ադրբեջանական լրատվամիջոցները Արցախի որոշ շրջաններ այս կամ այն կերպ ուղղակի կամ անուղղակի ճանաչում են որպես Հայաստանի մաս:
«Ապատեղեկատվություն է տարածվել Ադրբեջանի կողմից, թե իբրև ՀՀ որոշ շրջաններից հրթիռակոծվում են ադրբեջանական նշանակետերը և նշեց, որ տարածված տեսանյութը որևէ բան չի ապացուցում»,-ասաց նա:
Ինչ վերաբերվում է զինվորների մահվան մասին երբեմն տրվող սխալ տեղեկատվությանը, ապա դա իր բացատրությունն ունի
«Ժողովուրդ ջան, սաստիկ և ինտեսիվ, պատերազմ է և այս պարագում բուժհիմնարկներն ու հոսպիտալներն աշխատում են 24 ժամ առանց հանգստի, կարող են դեպքեր լինեն, որ մարդիկ ուշ հայտնաբերվեն, կամ սխալ տեղեկատվություն հաղորդվի նրանց՝ զոհվելու կամ վիրավորվելու վերաբերյալ»,-ասաց Հովհաննիսյանը` հավելելով, որ աշխատում են շտկել այդ սխալները և հնարավորինս թույլ չտալ նման սխալներ։
