Արցախի իշխանություն ասելով նկատի ունեք Մոսկվայում իր հարցերը լուծող Արայիկ Հարությունյանի՞ն. Ա. Հովհաննիսյան

Երեկվանից սորոսագործակալական շրջանակների մի այլ տիպի ինքնիշխան նուրբ հոգին նեղվել էր Արցախում Ռուսաստանին ուղղված շնորհակալությունից։ Այս մասին Facebook-ի իր էջում գրել է ԱԺ նախկին փոխնախագահ Արփինե Հովհաննիսյանը:

Նա, մասնավորապես, նշել է. «Մեջները դեմքեր կային , որ կոչ էին անում Արցախի իշխանություններին նման անպատիվ շոուներ չսարքել։ Հիմա բա ոնց չասես՝

Այ դավաճան գործակալնե՜ր

1. Արցախի իշխանություն ասելով ու՞մ նկատի ունեք՝ Մոսկվայում իր հարցերը լուծող Ստեփանակերտի ժեկի պետ Արայիկ Հարությոնյանի՞ն:

2. Ու՞մ շնորհակալ լինեն, գերագույն գլխավոր հիստերիկի՞ն, ով աղետ բերեց իրենց գլխին, ով սպանեց այդքան մարդու, անտուն դարձրեց հազարների։ Հա՞:

Ձեր «հպարտ ու ինքնիշխան» սիրտը չէ՞ր նեղվել, որ այլասերվածների թիմը իրենց առաջնորդի Դավաճան չլինելը հիմնավորում էին Պուտինի բառերով, Պուտինը լուծում է Արցախում ջեռուցման հարցերը, Պուտինի հետ քննարկվում է Սոթքի հարցը, Պուտինը հայ գերիների համար գումար է տալիս Կարմիր Խաչին, ու էլի Պուտինը, կրկին Պուտինը եւ այլն եւ այլն։

Ձեր պատվի սահմանը ձեզ տրված փողի հասցեն ու չափն է։ Ով ով դուք պատվից մի խոսեք։

Ձեր մասին իրականությունը շատ պարզ է։ Դուք պատերազմի օրերին Հ1-ով պարտության սիմվոլ անգրագետին էիք պաշտպանում, իսկ հիմա սուվերենության մասին եք երգում։ Պրոբլեմն այն է, որ ձեզ փող են տվել հայ չլինելու համար։ Հային ու արցախցուն իրար հակադրելու համար։ Հայն է շնորհակալ ռուսին, ոչ թե արցախցին շնորհակալ չէ հային։ Որովհետեւ արցախցին ու հայը նույն հայն են։

Այն պահից, երբ դուք հակադրեցիք իրար արցախցուն ու հայաստանցուն մեր դժբախտությունները սկսվեցին, այն պահից, երբ դուք ասեցիք, որ հայաստանցին չպիտի պաշտպանի Արցախը մենք դադարեցինք արժանի լինել պետություն ունենալ։

Ու այդ ամենի թագն ու պսակը եղավ այն, որ Ադրբեջանի ազգային հերոսների ընտանիքը այնպես արեց, որ Հայաստանում ապրող հայաստանցին կպաշտպանի Վարդենիսը, Կապանը, Գորիսը եւ այլն։ Ձեր բաժանման հետեւանքով սահմանը Արցախից եկավ Հայաստան։