Նախկիններին սպասարկող ու Նիկոլի «լյուբիմչիկ» դարձած Լֆիկի ստորաքրշությունը սահման չունի (լուսանկարներ)

«Նոր Հայաստանի» իշխանության «լյուբիմչիկ» գործարար Սամվել Ալեքսանյանի նկատմամբ ժողովրդի ցասումը հեղաշրջման օրերին շաը կարճ տևեց։ Հասարակությունն այդ օրերին որքան վնաս հասցերց «Երևան Սիթի» ցանցի սուպերմարկետներին, նույնքան ու կրկնակի անգամ էլ փոխհատուցեց իր գրպանից՝ թանկացված ապրանքները գնելով։ 

Այդ օրերին մի երկուսի մոտ հարց առաջացավ, թե էս ինչի Լֆիկ Սամոն չպատժվեց ու Նկոլը բիզնեսը ձեռքից չառավ, բայց ինչպես այս հարցերը ծնվեցին, այնպես էլ մեռան սիթիներում Նիկոլի նկարներով շարված «Դուխով» մակագրությամբ ու անասելի թանկ գներով վաճառվող օղու շշերի մեջ։

Հետո լուրեր շրջանառվեցին իշխանական ու գործարար ընտանիքների հնարավոր խնամիության մասին։ NEWSPRESS.am-ի տեղեկություններով Ալեքսանյան Սամվելը նույնիսկ մի շրջանակում հայտարարել է, թե իր տղան չի ուզում Նիկոլի աղջկան, ուրիշին է սիրում, բայց Նիկոլին չնեղացնելու համար՝ մի բան պետք է արվի։

Ու հիմա, հավանաբար չստացված խնամությունն արդարացնելու և մեղքերը քավելու համար Լֆիկը իր մենաշնորհները չկորցնելու համար, որոշել է արջի ծառայություն մատուցել Փաշինյանին։ 

Շրջանառվող լուրերի համաձայն, Լֆիկը նույնիսկ «Մեգամոլ» առևտրի կենտրոնոմ Փաշինյանին սպասարկող ֆեյքերի ֆաբրիկա է բացել, որի աշխատանքները, ըստ նույն աղբյուրի, համակարգում է Ալեքսանյանի կինը՝ Շողիկ Մկրտչյանը:

Mediaport-ի փոխանցմամբ էլ, նրանց թղթակիցը մուտք է գործել նշված ֆաբրիկա այն պահին, երբ Սամվել Ալեքսանյանը երկու հոգու հետ քանդելիս է եղել համակարգիչները, որոնք փոխանցել է առևտրի կենտրոնի բակում սպասող «Իմ քայլի» պատգամավոր Հայկ Սարգսյանին (շիշ բռնող), որը այդ համակարգիչները տեղավորել է 363 HH 11 պետհամարանիշով միկրոավտոբուսի մեջ ու տարել է:

Ալեքսանյանի անվտանգության աշխատակիցները, ինչպես տեղեկացնում է թղթակիցը, խլել են իր հեռախոսն ու ջնջել փաստն ապացուցող լուսանկարները՝ սպառնալով, որ եթե գրենք կատարվածի մասին «կփոշմանենք, որ ծնվել ենք»:

 Բայց նա ոչ միայն իր թիկնապահների միջոցով սպառնացել է լրագրողներին, այլև ստել է՝ իրեն այս պատմությունից մաքուր հանելու և իր տիրոջ պատիվը գետնին չտալու համար։

Հիշեցնենք, նաև, որ ավելի ուշ այս փաստը հաստատելու համար Ալեքսանյանին արված հարցադրմանն ի պատասխան, վերջինս հայտարարել է, թե «Էլի ինձ հիշեցի՞ք: Ազիզ ջան 25 օր ա տանից դուրս չեմ եկել: Կորոնայով հիվանդ եմ, չեմ շփվում ոչ մեկի հետ, տունն եմ մնացել»...

Իհարկե, միայն իր բիզնեսը ծաղկացնելու և այդ դաշտում չերերալու մասին մտածող բիզնեսմենը չէր կարող այդ պահին մտածել իսկ անգամ, որ դրանից ընդամենը 5 օր առաջ կատարած իր այցը Փաշինյանին՝ տեսանկարահանվել ու ֆիքսվել է լուսանկարներով։

Կարճ ասած, այս գործարարն այն տեսակին  է պատկանում, ովքեր չեն փոշմանում, որ ծնվել են, քանի որ պառկում են բոլոր իշխանությունների տակ ու ծառայում նրանց՝ զուտ սեփական շահի համար։

Սա այն տեսակն է, որ հեխափոխության օրերին իր թիկնապահների ջոկատը մահակներով ուղարկել էր ժողովրդի վրա՝ այդօրվա իշխանությանը գոհացնելու համար, իսկ այսօր նույն այդ թիկնապահներին «ֆաս» է տվել, այն օրերի հեղափոխականներին գոհացնելու համար, որովհետև այսօր սրանք են իշխանությունը, իսկկ ինքը կորցնելու բան ունի․․․․

Այս տեսակը պատրաստ է նույնիսկ «քֆուր ուտել», միայն թե հավատարիմ շան նման իր տիրոջը գոհացնի՝ մի կտոր ոսկորի համար․․․ Այս պարագայում նրա ծառայությունը ֆեյքեր աշխատացնելն է, որով փորձել է պահել իր իշխանիկին, որպեսզի սա էլ քաղցր աչքով նայի իրեն։

Գիտե՞ր Լֆիկը, որ այդ իշխանիկը կարող է չարաբաստիկ, դավաճանական փաստաթուղթ ստորագրել՝ երկիրը թշնամուն նվիրելու համար, այսօր դա արդեն այնքան էլ էական չէ, խնդիրն այն է, թե ինչպես է նա արդարացնելու իր այսօրվա ստորացուցիչ քայլերը՝ վաղվա իշխանության մոտ։ 

Վերջին հաշվով, դավաճանությունը քողարկողն ինքը դառնում է այդ դավաճանության աջակցողն ու մասնակիցը․․․

NEWSPRESS.am